Қазақстандағы ауруханаларда тар профильді 23 бөлімше ашылды

ҚР Денсаулық сақтау министрлігінің хабарлауынша, жаңа бөлімшелер әсіресе ересектер де, балалар да қажет болатын салаларда құрылды: ревматология, пульмонология, гастроэнтерология, эндокринология, гематология, нефрология және кардиология Жоба денсаулық сақтау инфрақұрылымын дамытудың 2024–2030 жылдарға арналған тұжырымдамасы аясында жүзеге асырылуда және облыс тұрғындары үшін мамандандырылған медициналық көмектің қолжетімділігін арттыруға бағытталған — Жалпы, бас жоспарларда республика бойынша 19 облыстық көп бейінді ауруханада, 15 облыстық балалар ауруханасында және 19 перинаталдық орталықта 2700 төсек-орындық 55 жаңа бөлімше ашу көзделген. Мәселен, бүгінде жеті ревматология, төрт пульмонология, алты гастроэнтерология, екі гематология, үш эндокринология, екі нефрология және екі кардиология бөлімшелері ашылды», - деп хабарлады ҚР Денсаулық сақтау министрлігі Облыстық балалар ауруханаларында 302 төсектік 22 бөлімше ашу жоспарланса, оның ішінде 168 төсектік тоғыз бөлімше жұмыс істеп тұр. Атап айтқанда, пульмонологиялық, неврологиялық, оториноларингологиялық, реабилитациялық, травматологиялық және паллиативтік көмекті кеңейту жоспарлануда 2026 жылдың бірінші тоқсанының қорытындысы бойынша республика бойынша облыстық және қалалық ауруханаларда 59 895 науқас емделді. Сонымен қатар, өткен жылдың сәйкес кезеңімен салыстырғанда облыстық деңгейдегі стационарларда емделген науқастар саны 1337 адамға артты Денсаулық сақтау министрлігі 2026 жылдың басынан бастап денсаулық сақтау жүйесін ауқымды жаңғыртудың бір бөлігі болып табылатын және еліміздің барлық өңірлерінің тұрғындарына жоғары сапалы, қауіпсіз және қолжетімді мамандандырылған көмек көрсетуге қабілетті медициналық ұйымдардың заманауи желісін құруға бағытталған «Облыстық ауруханаларды жаңғырту бағдарламасын» қабылдады және іске асыруда Бұдан бұрын хабарланғандай, Балқаш ауруханасы қайтарылған активтерді пайдалана отырып, заманауи қондырғылармен жабдықталған