EL UMITI CAMP 2026 жазғы лагеріне 200 оқушы қатысады

Астанадағы Назарбаев орталығында EL UMITI CAMP 2026 жазғы лагерінің салтанатты ашылуы өтті. Оған еліміздің әр өңірінен 200 оқушы қатысады Лагерьге ауыл оқушыларының республикалық «Мың бала» зияткерлік олимпиадасының, «Ел үміті таланты» пәндік олимпиадасының жеңімпаздары, сондай-ақ «Qabilet», «El Umiti Premiasy» және «Айтыс» жобаларының белсенді қатысушылары таңдалды Лагерь бағдарламасы 10 күнге созылады. Оны «Ел үміті» корпоративтік қоры мен Тұңғыш Президент мұражайы ұйымдастырады. Негізгі назар оқу, тұлғалық даму және практикалық дағдыларға аударылады. Мектеп оқушылары үшін тренингтер, шеберлік сыныптары, мотивациялық кездесулер, түрлі сала мамандарымен дәрістер және Қазақстанның даму тарихы бойынша квесттер өткізіледі EL UMITI CAMP 2026 негізгі тақырыбы жасанды интеллект болмақ. Қатысушылар мамандардың жетекшілігімен заманауи AI құралдарымен және олардың практикалық қолдануларымен танысады Бағдарламада ұлттық құндылықтар мен қаржылық сауаттылыққа байланысты сабақтар да қарастырылған. Мектеп оқушылары арасында асық ату бойынша турнирлер, сазсырнай ойнау бойынша шеберлік сабақтары және басқа да танымдық-мәдени шаралар ұйымдастырылуда Сонымен қатар, лагерь аясында қазақстандық өнерпаздар Қанай мен Еркеш Хасеннің қатысуымен концерт өтеді EL UMITI CAMP бесінші жыл қатарынан өткізілуде. Осы уақыт ішінде 800 бала оның қатысушысы болды, олармен 100-ден астам спикер жұмыс істеді, 100-ден астам танымдық және мәдени іс-шаралар өткізілді. Өткен жылдары Бурабай мен Зерендіде ұйымдастырылған лагерь биыл Ақмола облысының Ақкөл ауданында алғаш рет ұйымдастырылмақ