БҰҰ комитетіне сайлауда 157 ел Ләззат Қалтаеваның кандидатурасын қолдады

Қазақстанның өкілі Ләззат Қалтаева БҰҰ-ның 2027-2030 жылдарға арналған Мүгедектердің құқықтары жөніндегі комитетінің мүшесі болып сайланды. Мүгедектердің құқықтары туралы конвенцияға қатысушы мемлекеттер конференциясының 19-сессиясы аясында өткен сайлауда ол 157 мемлекеттің қолдауына ие болып, барлық кандидаттар арасында ең жақсы нәтиже көрсетті Комитетке Қазақстан өкілімен бірге Армения, Бенин, Иордания, Қытай, Литва, Палау, Самоа және Эфиопиядан үміткерлер сайланды Мүгедектердің құқықтарын қорғаудағы 20 жылдан астам тәжірибесі Ләззат Қалтаева – мүмкіндігі шектеулі жандарды қамту және құқықтарын қорғау саласындағы Қазақстандағы танымал қоғам қайраткерлерінің бірі 2024 жылдың қазан айынан бастап Сенат Төрағасының кеңесшісі және Қазақстан Республикасы Парламенті Сенаты жанындағы Инклюзия жөніндегі кеңес төрағасы қызметтерін атқарды. Ол бұған дейін ҚР Парламенті Сенатының депутаты және Әлеуметтік-мәдени даму және ғылым комитетінің мүшесі болған Қалтаева жиырма жылдан астам уақыт бойы «Шырақ» мүгедек әйелдер қауымдастығы» қоғамдық бірлестігін басқарды, сонымен қатар Алматы қаласындағы мүгедектер ұйымдары қауымдастығының төрағасы болып табылады Сонымен қатар, ол ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның мүшесі БҰҰ Мүгедектердің құқықтары жөніндегі комитеті мемлекеттердің Мүгедектердің құқықтары туралы конвенцияның ережелерін орындауын бақылайтын және халықаралық деңгейде мүгедектердің құқықтарын ілгерілететін тәуелсіз сарапшы орган болып табылады