Sumqayıt sakini: WUF13 festivalı şəhər sakinlərinin böyük marağına səbəb oldu

Sumqayıtda keçirilən WUF13 tədbirləri çərçivəsində yaradılan ab-hava sakinlərin böyük marağına səbəb olub Bunu "Report"un yerli bürosuna açıqlamasında WUF13 festivalının iştirakçısı Mirnur Abuşzadə deyib O qeyd edib ki, Sumqayıtda belə tədbirlərin keçirilməsi gənclərin maarifləndirilməsi baxımından mühüm əhəmiyyət kəsb edir. Onun sözlərinə görə, layihələr və interaktiv proqramlar iştirakçılara şəhərsalma, ekologiya və gələcəyin şəhərlərinin inkişafı məsələlərini daha yaxşı başa düşməyə kömək edir Tədbirin digər iştirakçısı Nübar Əlizadə festivalın yüksək səviyyədə təşkil olunduğunu bildirib. O, proqram çərçivəsində keçirilən təqdimatların və ictimai müzakirələrin insanlara gələcəyin şəhərlərinin inkişafı haqqında yeni anlayışlar verdiyini, eyni zamanda asudə vaxtlarının mənalı keçirilməsinə imkan yaratdığını vurğulayıb Bildirilir ki, urbanizasiya, dayanıqlı inkişaf və müasir şəhər idarəçiliyi məsələlərində ictimaiyyəti məlumatlandırmaq məqsədi ilə müxtəlif şəhərlərdə silsilə WUF13 tədbirləri keçirilir