Yayda bağırsaq infeksiyaları artır

Yayda bağırsaq infeksiyası riski artır. Mütəxəssislərin fikrincə, qızmar günəş bakteriyaların sürətlə yayılmasına təsir edir və ciddi xəstəliklərə səbəb ola bilər. Bağırsaq infeksiyaları çox vaxt çirkli əllər, düzgün yuyulmayan meyvələr, keyfiyyətsiz qidalar və çirklənmiş su vasitəsilə yayılır. Xəstəliyin əsas əlamətləri qusma, ishal, qızdırma və qarın ağrısıdır. Həkimlər təcili çağırış tələb edən dörd təhlükəli simptomu sadaladılar: huşunu itirmə, ağır zəiflik və ya həddindən artıq narahatlıq, su içə bilməmə və qıcolmalar. Xüsusilə beş yaşından kiçik uşaqlar xəstəliyə yoluxma riski altındadır. Buna görə də, uşaq özünü pis hiss edirsə, dərhal həkimə müraciət etmək daha yaxşıdır