Zəlzələni Almatı sakinləri hiss ediblər

Orda.kz xəbər verir ki, Almatı sakinləri iyunun 4-ü axşam saatlarında yeraltı təkanlar hiss ediblər Zəlzələ ilə bağlı məlumat Avropa-Aralıq dənizi Seysmoloji Mərkəzinin (EMSC) saytında yer alıb. Onların sözlərinə görə, yeraltı təkanların gücü 5 bala yaxın olub. Yeraltı təkanlar Almatıdan 328 km şimal-şərqdə və Huçenq şəhərindən 58 km şimal-qərbdə (Çin) qeydə alınıb Qazaxıstan Fövqəladə Hallar Nazirliyindən bildirilib ki, ilkin məlumatlara görə, saat 21:22-də Almatıda zəlzələ baş verib. Hazırda Qazaxıstan Respublikası Fövqəladə Hallar Nazirliyinin Seysmoloji Müşahidələr və Tədqiqatlar üzrə Milli Elmi Mərkəzinin seysmik stansiyalar şəbəkəsi məlumat emal edir. Yeraltı təkanların episentri və gücü ilə bağlı məlumatlar dəqiqləşdirilir