Zelenski Rusiyanı atəşkəsi pozmaqda ittiham edib

Ukrayna prezidenti Vladimir Zelenski mayın 6-na keçən gecə Rusiya ordusunun aktiv hərbi əməliyyatları davam etdirdiyini və Kiyevin təklif etdiyi atəşkəs rejimini rədd etdiyini açıqlayıb. Bu barədə o, çərşənbə günü hərbi rəhbərlərlə görüşdən sonra yazıb “Biz bundan sonrakı hərəkətlərimizi qoşunlarımızın və kəşfiyyat orqanlarının axşam hesabatlarının nəticələrindən asılı olaraq müəyyən edəcəyik”, - o əlavə edib Zelenski qeyd edib ki, mayın 5-də Rusiya ordusu Ukraynanın bir sıra şəhərlərini, o cümlədən Dnepr, Zaporojye və Kramatorsk şəhərlərini vurub. Onun sözlərinə görə, bu hücumlar nəticəsində 20-dən çox insan həlak olub "Cəbhənin bütün əsas xətlərində hücum davam edir. Gecə və səhər saatlarında 20-dən çox hava hücumu qeydə alınıb", - Ukrayna prezidenti bildirib O, bir daha xatırladıb ki, Kiyev “özünün qayğısına qalacaq” Bundan əvvəl Kreml 9 May - Qələbə Günündə atəşkəs təklif etmişdi. Buna cavab olaraq Zelenski mayın 6-dan müharibəni müvəqqəti dayandıracağını bildirib. Rusiya hakimiyyəti onun təşəbbüsünə cavab verməyib Bundan əvvəl Ukrayna ordusunun məlumatına görə, Rusiya qüvvələri mayın 6-na keçən gecə iki “İsgəndər-M” ballistik raketi, Kh-31 idarə olunan raketi və 108 pilotsuz təyyarə ilə hücuma keçib Mayın 6-da səhər saatlarında Sumı şəhərində uşaq bağçasının binasına dron hücumu olub. Son məlumata görə, binanı qoruyan qadın mühafizəçi dünyasını dəyişib. Rəsmilər daha 3 nəfərin yaralandığını bildirib. Hadisə zamanı binada uşaq olmayıb