Zaqatalada irsi qan xəstəliklərindən əziyyət çəkənlər üçün xeyriyyə aksiyası

Heydər Əliyev Fondunun həyata keçirdiyi “Talassemiyasız həyat naminə” proqramı çərçivəsində mayın 21-də Zaqatala Rayon Mərkəzi Xəstəxanasında təşkil edilən qanvermə aksiyasında 182 nəfər könüllü qan verib Rayon icra hakimiyyətindən AZƏRTAC-ın bölgə müxbirinə bildirilib ki, Respublika Qan Bankının həkim briqadası tərəfindən həyata keçirilən aksiyanın əsas məqsədi talassemiya və hemofiliyalı xəstəliklərindən əziyyət çəkən insanlara kömək göstərmək, onlara dəstək olmaqdır Gün ərzində davam edən aksiyada rayonun ayrı-ayrı əmək kollektivlərinin nümayəndələri, həmçinin sakinlər fəal iştirak ediblər. Ümumilikdə, 400-dək donor qan vermək üçün müraciət edib. Əvvəlcə hər bir donorun sağlamlığı yoxlanılıb, səhhəti imkan verən şəxslərdən qan götürülüb Toplanan qan laboratoriya müayinəsindən keçirildikdən sonra Respublika Qan Bankına təhvil veriləcək və irsi qan xəstəliklərindən əziyyət çəkən insanların müalicəsində istifadə olunacaq 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır