Yunanıstanda bir ilk! Qadınlar hərbi xidmətə getdilər

Yunanıstanda ilk dəfə qadınlar könüllü hərbi xidmətə başlayıblar. Müdafiə Nazirliyi tərəfindən həyata keçirilən yeni tətbiqetmə çərçivəsində ilk mərhələdə 72 qadın ordu sıralarına cəlb olunub və gələcəkdə proqramın genişləndirilməsi nəzərdə tutulub Yunanıstan müdafiə siyasətində tarixi bir addım atdı. Əvvəllər yalnız peşəkar hərbi xidmət və hərbi akademiyalar vasitəsilə orduda xidmət edə bilən qadınlar, könüllü hərbi xidmət proqramı çərçivəsində ilk dəfə olaraq silahlı qüvvələrə qoşulmağa başlayıblar Yeni tənzimləmə ilə 20-26 yaş arası qadınlara 12 ay müddətinə könüllü olaraq hərbi xidmətə getmək hüququ verilib. Proqrama qəbul edilən qadınlar kişi əsgərlərlə eyni təlimi alacaq və eyni qaydalara tabe olacaqlar Yunan mətbuatında yer alan məlumata görə, ilk mərhələdə 72 qadın könüllü olaraq orduya qatılıb. Təlimdən sonra iştirakçılar təyin olunmuş bölmələrdə xidmət edəcəklər. Proqramı bitirənlər müəyyən yaşa qədər ehtiyatda olan əsgər statusunda saxlanılacaqlar Yunanıstan Müdafiə Nazirliyi tətbiqin silahlı qüvvələrdə qadınların təmsilçiliyini artırmaq və ordunun kadr potensialını gücləndirmək məqsədi daşıdığını açıqlayıb. Müdafiə naziri Nikos Dendias daha əvvəl bəyan etmişdi ki, bu addım ölkənin müdafiə islahatlarının mühüm hissəsidir Avropanın bir çox ölkəsi son illərdə artan təhlükəsizlik narahatlıqları səbəbindən hərbi xidmət sistemlərini yenidən nəzərdən keçirsə də, Yunanıstanın qadınlar üçün könüllü hərbi xidmət keçməsi bu prosesin diqqətəlayiq nümunələrindən biri hesab olunur