Julius Skackauskas Orta Dəhliz boyunca yük daşımalarının artımı haqqında

Yaxın üç il ərzində Orta Dəhliz boyu tutum və daşıma həcmi indiki 5 milyondan 20 milyon tona yüksələ bilər Day.Az Trend-ə istinadən xəbər verir ki, bunu Nəqliyyat İnnovasiyaları Assosiasiyasının (TİA) meneceri, Litvanın keçmiş nəqliyyat və kommunikasiya naziri Yulius Skackauskas Bakıda keçirilən Beynəlxalq Nəqliyyat və Logistika Forumu zamanı deyib Onun sözlərinə görə, Orta Dəhliz Avropa və Asiya bazarlarını birləşdirən əsas nəqliyyat marşrutlarından birinə çevrilir Skackauskas qeyd edib ki, təqribən 500 milyon əhalisi və təxminən 20 trilyon avroluq iqtisadiyyatı olan Avropa İttifaqı nəhəng bazarı təmsil edir və Orta Dəhliz vasitəsilə nəqliyyat əlaqələrinin inkişafı hesabına bu bazara çıxış daha da genişləndirilə bilər O vurğulayıb ki, marşrutun gələcək inkişafı üçün onun etibarlılığını, təhlükəsizliyini və dayanıqlığını təmin etmək lazımdır. Eyni zamanda, onun sözlərinə görə, mövcud darboğazlara və infrastrukturun daha da təkmilləşdirilməsinə ehtiyac olmasına baxmayaraq, dəhlizin inkişafı düzgün istiqamətdə gedir Litva nümayəndəsi Azərbaycanda infrastruktur layihələrinin həyata keçirilməsini, o cümlədən Bakı-Tbilisi-Qars dəmir yolu xəttinin imkanlarının genişləndirilməsini xüsusi qeyd edərək, onların daşımaların səmərəliliyinin artırılması üçün əhəmiyyətini vurğulayıb Skackauskas həmçinin bildirib ki, nəqliyyat sektoru Litva iqtisadiyyatında mühüm rol oynayır və ölkənin ÜDM-nin təxminən 12%-ni təşkil edir ki, bu da Avropada ən yüksək göstəricilərdən biridir. Onun sözlərinə görə, Litva şirkətləri Orta Dəhliz boyu əməkdaşlığı inkişaf etdirməkdə maraqlıdırlar və regionda nəqliyyat və logistika infrastrukturu layihələrində gələcək iştirak imkanlarını nəzərdən keçirirlər O əlavə edib ki, Litva nümayəndə heyəti Azərbaycanda nəqliyyat və logistika obyektlərinin işi ilə tanış olmağı planlaşdırır və marşrutun gələcək inkişafı üçün təcrübə, texnologiya və həlləri bölüşməyə hazır olduğunu bildirib Qeyd edək ki, forum Bakıda TransLogistica Caspian 2026 sərgisi çərçivəsində keçirilir və dövlət qurumlarının, beynəlxalq təşkilatların və nəqliyyat-logistika sektorunun aparıcı şirkətlərinin nümayəndələrini bir araya gətirir Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin