Yeni Zelandiya səmasında nadir kometanı müşahidə etmək mümkündür

Növbəti iki həftə ərzində Cənub yarımkürəsi üzərində, gecə səmasında nadir “qonaq” görünəcək. Günəş sisteminin kənarındakı buzlu bölgədə yarandığı ehtimal olunan parlaq mavi-yaşıl kometa Yeni Zelandiya, Avstraliya və Cənubi Afrika üzərindən keçəcək Bu barədə AZƏRTAC xarici mediaya istinadla xəbər verir C/2025 R3 PANSTARRS adı ilə tanınan kometa 2025-ci ildə kəşf olunub və tədricən Yer kürəsinin yaxınlığından keçir. Ötən ay onu bir neçə həftə ərzində Şimal yarımkürəsində müşahidə etmək mümkün olub. İndi isə kometanı görmək növbəsi Cənub yarımkürəsində yaşayan həvəskar astronomlara çatıb Kometa təxminən iki həftə ərzində teleskop, binokl və ya fotoaparat obyektivi vasitəsilə görünəcək. Bundan sonra onun parlaqlığı azalacaq və o, on minlərlə il ərzində görünməyəcək 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır