Yemək növbəsindəki mülki insanları hədəfə aldılar: İsrailin hücumları dayanmır!

Deyr əl-Belahın şimalında həyata keçirilən hücumda xeyriyyə məqsədi ilə qurulan qida paylama məntəqəsi havadan atılan raketlərlə vurulub. Qırğına bənzəyən hücumda ilkin məlumata görə, azı 3 mülki şəxs həyatını itirib, çoxlu sayda insan isə yaralanıb Yerli sağlamlıq və təhlükəsizlik mənbələrindən alınan ilkin məlumata görə, hücum Deyr əl-Bəlahın şimal bölgəsində, bölgənin ən kritik sağlamlıq bazası olan Əqsa Şəhidləri Xəstəxanasının yaxınlığında baş verib. Bir evin həyətində xeyriyyə təşkilatı tərəfindən qurulan və evlərini tərk etmək məcburiyyətində qalan qaçqınlara isti yemək verən humanitar yardım məntəqəsi İsrail ordusuna məxsus pilotsuz uçuş aparatından (PUA) atılan iki raketlə birbaşa hədəfə alınıb Hücum zamanı aralarında uşaq və qadınların da olduğu çox sayda mülki şəxsin paylama məntəqəsində növbə gözlədiyi öyrənilib. Bombalama nəticəsində yemək bişirən qazanların yerləşdiyi ərazi dağıntı qalasına, yer isə döyüş bölgəsinə çevrilib Mənbə: Anadolu Agentliyi