WUF13 Azərbaycanda milli hökumət, yerli hakimiyyət orqanları və ictimaiyyət arasında əməkdaşlığı əks etdirir - Fərid Dahmane

BAKI, Azərbaycan, 17 may. Bu tədbirə ev sahibliyi etmək qardaş Azərbaycanda milli hökumət, yerli hakimiyyət orqanları və ictimaiyyət arasında güclü əməkdaşlığı nümayiş etdirir, ​Əlcəzairin Keniyadakı səfiri Fərid Dahmane Bakıda Ümumdünya Şəhər Forumunun 13-cü sessiyası (WUF13) çərçivəsində keçirilən nazirlərin dəyirmi masasında deyib Səfirin sözlərinə görə, bu sinerji respublikanın nüfuzu və gələcək yüksəlişi üçün həyata keçirilən mütərəqqi inkişaf prosesinin tərkib hissəsidir: ​"Bu, çoxşaxəli gündəliyi aşaraq, Dayanıqlı İnkişaf Məqsədlərinə nail olmaq üçün irəliləyən hərtərəfli yanaşmadır. İnanırıq ki, bu inkişaf prosesi yeni və əhəmiyyətli mərhələyə qədəm qoyur" Dahmane həmçinin Əlcəzairin daxili şəhər inkişafını vurğuladı: ​"Əlcəzair hökuməti mənzil böhranının aradan qaldırılmasına və yaşayış şəraitinin yaxşılaşdırılmasına yönəlmiş təməl təşəbbüslərini davam etdirir. Bu, cəmiyyətin bütün təbəqələrini hədəf alan yaşayış proqramlarının həyata keçirilməsi yolu ilə əldə edilir." O qeyd edib ki, Əlcəzairdə həyata keçirilən möhkəmləndirmə və yenidənqurma proqramları həssas yaşayış məntəqələrinin reabilitasiyasına, layiqli mənzillə və mühüm infrastrukturla təmin olunmasına uğurla imkan verib. "Bundan başqa, Əlcəzair artımı genişləndirmək üçün yerli inkişaf proqramlarını gücləndirib, layihələrin icrasını və ictimai xidmət obyektlərinin yaradılmasını sürətləndirib", - diplomat yekunlaşdırıb