Azərbaycanın enerji sektorunun həftəlik icmalı

BAKI, Azərbaycan, 26 aprel. Trend İnformasiya Agentliyi ötən həftə Azərbaycanın neft və enerji sektorunda baş verən əsas hadisələrin icmalını təqdim edir Bu həftə Azərbaycandan Ermənistana dizel yanacağı yüklənib. “Azərbaycan Dəmir Yolları” QSC-nin Biləcəri stansiyasından Böyük Kəsik stansiyası istiqamətində 974 ton dizel yanacağı daşıyan 16 vaqondan ibarət yük qatarı yola düşüb Aprelin 21-də SOCAR Aralıq dənizi şelfində seysmik tədqiqatların başlama tarixini açıqlayıb SOCAR, bp və İsrailin NewMed Energy şirkətlərindən ibarət konsorsiumun 2026-cı ilin sentyabrında İsrailin Aralıq dənizi şelfində yerləşən 1-ci zonada 3D seysmik tədqiqatlara başlayacağı gözlənilir “SOCAR Petroleum” QSC Xəzər dənizində gəmidən gəmiyə yanacaq tədarükü əməliyyatlarına başlandığını elan edib. Bu addım şirkətin inkişafında yeni mərhələni qeyd edir və Azərbaycanın dəniz logistikası və yanacaq təchizatı sahəsində mövqeyini daha da möhkəmləndirir. İlk belə əməliyyat beynəlxalq standartlara uyğun uğurla həyata keçirilib Aprelin 23-də Bakıda İkinci Xəzər və Mərkəzi Asiya Neft Logistika və Ticarət Forumu öz işinə başlayıb. Forumun gündəliyi dəyişən qlobal mühitdə nəqliyyat və infrastruktur, maliyyə aspektləri və əməliyyatlar, ticarət strategiyaları da daxil olmaqla əsas sahələri əhatə edirdi Forumun məqsədi regional neft ticarəti və logistika sahəsində peşəkar dialoqun inkişaf etdirilməsi, təcrübə mübadiləsi və işgüzar əlaqələrin qurulmasıdır Bu həftə Azeri Light CIF, Urals, Dated Brent və Azeri Light FOB Ceyhan markalı xam neftin orta qiymətləri ucuzlaşıb Azərbaycanın "Azəri-Çıraq-Günəşli" yatağından hasil edilən "Azeri Light CIF" markalı xam neftin orta qiyməti ötən həftə ilə müqayisədə 3,39 dollar və ya 2,9% azalaraq 112,1 dollar təşkil edib FOB Ceyhan limanında Azərbaycanın yüngül neftinin orta qiyməti 1 barelə görə 2,42 dollar və ya 2,2% azalaraq 109,01 dollar təşkil edib Urals markalı xam neftin orta qiyməti əvvəlki həftə ilə müqayisədə 0,19 dollar və ya 0,2% azalaraq 84,5 dollar/barel təşkil edib Dated Brent markalı neftin orta qiyməti ötən həftə ilə müqayisədə 8,22 dollar və ya 7% azalaraq 109,69 dollar təşkil edib Azərbaycan Energetika Nazirliyinin məlumatına görə, Dərinsulu Günəşli platformasının istismara verilməsindən indiyədək 91,5 milyon ton neft və 19,6 milyard kubmetr qaz hasil edilib Bundan əlavə, bu həftə Serbiyanın dağ-mədən və energetika naziri Dubravka Cedoviç Handanoviç Serbiyanın Azərbaycanla ildə 0,9 milyard kubmetr həcmində çevik qaz tədarükünü müzakirə etdiyini, 23-cü ildə Nişdə qazla işləyən elektrik stansiyasının tikintisi başa çatdıqdan sonra bu həcmin illik 1,4 milyard kubmetrə qədər artırılması potensialını müzakirə etdiyini bildirdi Aprelin 20-də Azərbaycanın Energetika Nazirliyi Azərbaycanda gündəlik elektrik enerjisi istehsalında bərpa olunan enerjinin payını 34,1%-ə çatdırıb Şəfəq günəş enerjisi layihəsinin investorları - bp, SOCAR Green, Azərbaycan Biznesin İnkişafı Fondu və MVM Cəbrayıl rayonunda tikinti meydançasında günəş panellərinin quraşdırılmasına başlanaraq layihənin növbəti mərhələyə keçdiyini elan ediblər. İlk günəş modulunun quraşdırılması bu ayın əvvəlində başa çatıb və tikinti qrafik üzrə davam etdirilir bp-nin Azərbaycan-Gürcüstan-Türkiyə regionu üzrə maliyyə üzrə vitse-prezidenti Nadir İmanov qeyd edib ki, bu mərhələnin başlanması layihənin həyata keçirilməsində mühüm mərhələdir. O bildirib ki, tərəfdaşları ilə birlikdə işin təhlükəsiz və səmərəli icrasını təmin etmək diqqət mərkəzindədir. O, layihənin bərpa olunan enerji sektorunun inkişafına və regionda əməliyyatların karbonsizləşdirilməsinə töhfə verəcəyini, Azərbaycanın enerji keçidini dəstəkləyəcəyini vurğulayıb