Zəif məlumat mübadiləsi logistikada süni intellektin inkişafına mane olur - Litva rəsmisi

BAKI, Azərbaycan, 3 iyun. Zəif məlumat mübadiləsi logistika sahəsində süni intellektin (AI) inkişafına mane olur. Trend -in məlumatına görə, bunu Bakıda keçirilən II Xəzər Beynəlxalq Nəqliyyat, Tranzit və Logistika Forumunda Litva Nəqliyyat İnnovasiyaları Assosiasiyasının Direktorlar Şurasının sədri Yurqis Adomaviçyus deyib Onun sözlərinə görə, süni intellekt insan amili olmadan səmərəli işləyə bilməz və texnologiyalardan düzgün istifadə üçün ilk növbədə insan resurslarının hazırlanması vacibdir Adomaviçyus qeyd edib ki, müasir dövrdə süni intellekt anlayışı tez-tez robot texnologiyaları ilə qarışdırılır və buna görə də hansı alətin hansı sahədə tətbiq olunmalı olduğunu düzgün müəyyənləşdirmək vacibdir O bildirib ki, beynəlxalq logistika sahəsində əsas problemlərdən biri məlumatların keyfiyyəti və informasiya mübadiləsi mexanizmlərinin qeyri-kafi olmasıdır "AI yalnız keyfiyyətli məlumat bazası olduqda effektiv işləyə bilər. Bu məlumatlar hökumətlərdən, gömrük orqanlarından və tranzit ölkələrin sistemlərindən gəlməlidir. Bununla belə, bir çox hallarda gömrük məlumatları yanlışdır və ölkələr arasında məlumat mübadiləsi protokolları yoxdur", - o vurğulayıb Adomaviçyusun sözlərinə görə, onun rəhbərlik etdiyi gömrük broker şirkəti ayda 40 minə yaxın sifarişi emal edir və təkcə cümə axşamları minlərlə sifariş qəbul edilir. Burada əsas məqsəd Transxəzər marşrutu ilə hərəkət edən yük maşınlarının imkanlarını tez bir zamanda müəyyən etməkdir O qeyd edib ki, şirkət əvvəllər logistik proseslərin avtomatlaşdırılmasına yüz minlərlə avro sərmayə qoysa da, keyfiyyətsiz məlumatlar səbəbindən istənilən nəticəni əldə etmək mümkün olmayıb "Biz iki ildir ki, verilənlər bazamızı süni intellektə uyğunlaşdırmaq üçün çalışırıq. Hazırda süni intellekt nəqliyyat sənədlərini, CMR-ləri, sertifikatları və digər məlumatları təhlil edə və marşrutların uyğunluğunu qiymətləndirə bilər", - o əlavə edib Adomavičius həmçinin bildirib ki, məlumat mübadiləsi sistemləri və düzgün məlumat bazası olmadan süni intellekt logistika sektorunda gözlənilən effekti verə bilməz