Abşeron dairəvi dəmir yolunun bütün stansiyaları hasara alınacaq

Bizim əsas məqsədlərimizdən biri və deyərdim ki, ən yüksək prioritet təhlükəsizlik məsələsidir. Hesab edirəm ki, sərnişinləri dəmir yolu nəqliyyatını seçməyə sövq edən əsas amillərdən biri yüksək səviyyədə təhlükəsizliyə inamdır. Bu baxımdan təhlükəsizlik bizim qarşımızda duran əsas problemdir Bunu “Azərbaycan Dəmir Yolları” (AZD) QSC-nin sədri Rövşən Rüstəmov REAL və AZƏRTAC telekanallarına müsahibəsində deyib Onun fikrincə, həm rəqəmsal həllərin, həm də infrastrukturun qurulmasında məqsəd sərnişinlərin təhlükəsiz şəkildə təyinat yerinə çatdırılmasıdır "Təəssüf ki, son illər dəmir yolu infrastrukturuna bu və ya digər müdaxilə halları baş verir. Qatarlara daş atılması, hətta relslərin üzərinə qoyulması halları var ki, bu da çox ağır nəticələrə gətirib çıxara bilər. Fürsətdən istifadə edərək bildirirəm ki, dəmir yolu infrastrukturuna və qatarlara hər hansı müdaxilə son nəticədə cəmiyyətimizə, həm də sərnişinlərimizə ciddi kömək edə bilər. Bizi bu mövzuda təbliğ etməkdə və maarifləndirməkdə, dəmir yoluna yaxın olan məktəblərdə və digər yaşayış məntəqələrində nə qədər təbliğat aparsaq da, cəmiyyətin bu istiqamətdə bizimlə paralel işləməsinə çox böyük ehtiyac var Digər tərəfdən, biz təbii ki, müxtəlif texniki vasitələrdən istifadə etməklə dəmir yolunun təhlükəsizliyini təmin etməyə çalışırıq. Dəmir yolunun tam hasarlanması və müşahidə kameralarının quraşdırılması əsas məqsədlərimizdəndir. Qəbul edilmiş standarta əsasən, 2030-cu ilə qədər Abşeron dairəvi dəmir yolunda tikiləcək bütün stansiyaların hasarlanması və videomüşahidə sistemlərinin quraşdırılması nəzərdə tutulub. Bu, bizə infrastruktura müdaxilə hallarını vaxtında və məqsədyönlü şəkildə müəyyən etməyə kömək edəcək”, - deyə o qeyd edib