Ağaca çırpılıb: Şərqi Qazaxıstan vilayətində baş verən qəzada 3 nəfər ölüb

Şərqi Qazaxıstan vilayətində ölümlə nəticələnən qəza baş verib, nəticədə 3 gənc ölüb, vilayət polis idarəsinin mətbuat xidməti məlumat yayıb Hadisə gecə saatlarında Şemonayxa rayonunun Pervomayski kəndində baş verib. “VAZ 21100” markalı avtomobilin sürücüsü idarəetməni itirərək ağaca çırpılıb Təcili tibbi yardım gələnə qədər sürücü və sərnişinlərdən biri yerindəcə keçinib. İkinci sərnişin xəstəxanada dünyasını dəyişib. Polis hadisə ilə bağlı ibtidai istintaqa başlayıb. Hazırda müstəntiqlər obyektivliyi təmin etmək və işin bütün hallarını müəyyən etmək üçün lazımi addımlar atır Kənd icra hakimiyyəti 3 gəncin vəfat etdiyini təsdiqləyib, ailələrinə başsağlığı verib. Akimlik övladları avtomobil və ya motosiklet sürən valideynlərə də müraciət edib "Övladları motosiklet və avtomobil idarə edən bütün valideynlərə müraciət etmək istəyirəm. Xahiş edirəm onlarla təhlükəsizlik, sürət həddinə riayət etmək və yollarda diqqətli olmaq barədə danışın. Özünüzün və yaxınlarınızın qayğısına qalın. Həyat və sağlamlıq əlimizdə olan ən qiymətli şeydir", - mesajda deyilir Mətndə xəta aşkar etsəniz, onu siçan ilə vurğulayın və Ctrl+Enter düymələrini basın Smartfonunuzdakı mətndə səhv tapsanız, onu vurğulayın və "Səhv bildirin" düyməsini basın