Ermənistanda parlament seçkilərində səsvermə başa çatıb

Artıq səslərin sayılması prosesi başlayıb Saat 17:00-a olan məlumata görə, Ermənistanda 2 milyon 503 min 976 seçicinin 48,92 faizi və ya 1 milyon 224 min 957 seçici səs verib Mərkəzi Seçki Komissiyası (MSK) hər üç saatdan bir seçici fəallığı haqqında məlumat dərc edir. Səsvermənin bağlanışına olan fəallıq göstəricilərinin saat 21:00-da açıqlanması planlaşdırılır Səsvermə zamanı seçicilərin elektron qeydiyyatı üçün 4000 texniki cihazdan istifadə olunub. Canlı yayımı təmin edən kameralar 300 və daha çox seçiciyə xidmət göstərən 1758 seçki məntəqəsində quraşdırılıb Ölkədəki 1996 seçki məntəqəsindən 612-si hərəkət qabiliyyəti məhdud seçicilər üçün əlçatan olub Seçkiləri və səsvermə prosesini işıqlandırmaq üçün ümumilikdə 71 yerli KİV və 180-ə yaxın xarici media qurumunun nümayəndəsi akkreditasiyadan keçib Seçkiləri izləmək üçün 13 yerli və səkkiz beynəlxalq müşahidəçi missiyası akkreditə olunub Bundan əlavə, Ermənistanda akkreditə olunmuş 35 diplomatik və konsulluq nümayəndəliyinin nümayəndələri, 14 seçki orqanının nümayəndələri ilə yanaşı, qonaq statusu ilə seçkiləri müşahidə ediblər Xəbər verdiyimiz kimi, parlament seçkilərində iştirak etmək üçün ümumilikdə 18 siyasi qrup, o cümlədən 16 siyasi partiya və iki alyans qeydiyyatdan keçib