Vadeful BMT-ni İran münaqişəsinin həlli üçün tədbirlər görməyə çağırıb

“BMT İran ətrafındakı münaqişəni həll etmək üçün qətiyyətli tədbirlər görməlidir” 525.az xəbər verir ki, bu barədə Almaniyanın xarici işlər naziri Yohan Vadeful bildirib O deyib ki, sülh və təhlükəsizliklə bağlı təcili məsələləri həll etmək üçün BMT effektiv münaqişələrin həlli diplomatiyasının əsasına çevrilməlidir" XİN başçısı hesab edir ki, Hörmüz boğazının blokadası qlobal təchizat zəncirlərinin zəifliyini nümayiş etdirir "Bu, xüsusilə ehtiyat yaratmaq üçün vəsait və resursları olmayan ölkələrə aiddir. Enerji və gübrə olmadan dünyanın ərzaq təchizatı ciddi şəkildə təhlükə altındadır. Buna görə də, bu gün Nyu-Yorkda BMT Təhlükəsizlik Şurasını öz rolunu yerinə yetirməyə çağıracağam. Təhlükəsizlik Şurası indi məsuliyyəti öz üzərinə götürərsə, beynəlxalq nizamı da gücləndirəcək", - Vadeful söyləyib Əlavə edib ki, BMT indiki və gələcək münaqişələri həll etmək üçün daha bacarıqlı olmalı və etibarlılığını qorumalıdır. Bunu əldə etmək üçün bütün üzv dövlətlərin iştirakı, eləcə də qətiyyətli liderlik lazımdır. Buna görə də, Almaniya BMT-nin Baş katibi Antonio Quterreşin islahat gündəliyini dəstəkləyir ki, bu da yenilənmə üçün mühüm təkan verir Nazir Almaniyanın 2027-ci ildən başlayaraq BMT Təhlükəsizlik Şurasında qeyri-daimi üzvlük üçün namizədliyini irəli sürdüyünü xatırladıb: "Bununla biz beynəlxalq təhlükəsizlik arxitekturasının formalaşmasında iştirak etmək istəyirik"