Cənubi Afrika Respublikasında Qaqarinin xatirəsi anılıb

Cənubi Afrika Respublikasının cənub-qərbində yerləşən Hermanus şəhərində Yuri Qaqarinin büstü önünə təntənəli gül dəstələri qoyulması mərasimi olub TASS xəbər verir ki, tədbir Kosmonavtika Günü ərəfəsində Cənubi Afrika Milli Kosmik Agentliyinin elmi mərkəzinin ərazisində baş tutub Mərasimdə rusiyalı diplomatlar, soydaşlar birliyinin nümayəndələri və agentliyin əməkdaşları iştirak ediblər. Rusiya Federasiyasının baş konsulu Ruslan Qolubovski Qaqarinin şücaətinin cəsarət, elmi tərəqqi və bəşəriyyətin yeni üfüqlər arzusunun simvolu olaraq qaldığını vurğulayıb. O, tarixi yaddaşın qorunması və bu dəyərlərin gənc nəslə ötürülməsinin vacibliyini qeyd edib, həmçinin Rusiya ilə Cənubi Afrika Respublikası arasında kosmik sahədə əməkdaşlığın inkişaf etdirildiyini vurğulayıb Mərasimdən sonra agentliyin əməkdaşları mərkəzə ekskursiya ediblər. Kosmosa çıxan ilk qadın kosmonavt Svetlana Savitskayanın təlim kostyumu xüsusi maraq doğurdu 2020-ci ilin noyabrında Hermanusda Qaqarinin bürünc büstü qoyulub. Cənubi Afrika Milli Kosmik Agentliyi 2009-cu ildə ölkə parlamentinin qərarı ilə yaradılıb