Özbəkistanda beş ay ərzində 59 iri narkotik dəstəsi aşkar edilib

Özbəkistanda 5 ay ərzində 59 iri narkotik qrupunun fəaliyyəti dayandırılıb. Keçirilən əməliyyat tədbirləri zamanı cinayətkar dəstələrin 15 rəhbəri və 199 iştirakçısı saxlanılıb Hüquq-mühafizə orqanlarının məlumatına görə, narkotik vasitələrin qanunsuz dövriyyəsi ilə məşğul olan qrupların 15 rəhbəri və 199 üzvü saxlanılıb Həmçinin hesabat dövründə 15 gizli narkotik laboratoriyası müəyyən edilib. Qeyd olunur ki, bu, bütün ötən il aşkar ediləndən çoxdur Əməliyyat tədbirləri zamanı 1,2 ton ənənəvi narkotik vasitə, 54 kiloqram sintetik narkotik vasitə, 4,6 milyon psixotrop dərman, o cümlədən 3 tondan çox qanunsuz prekursor aşkar edilərək götürülüb Bundan əlavə, Qazaxıstan, Tacikistan və Qırğızıstanın hüquq-mühafizə orqanları ilə birgə yeddi beynəlxalq xüsusi əməliyyat həyata keçirilib Mütəşəkkil cinayətkarlığa qarşı mübarizə çərçivəsində 40 iri cinayətkar qrupun da fəaliyyəti dayandırılıb. Onların 48 lideri, o cümlədən xaricdən Özbəkistana gətirilən 6 nəfər, həmçinin 224 qrup üzvü saxlanılıb Daxili İşlər Nazirliyinin məlumatına görə, 2026-cı ilin yanvar-may aylarında ölkədə 195 cinayətkar qrup müəyyən edilib, onlardan 61-i mütəşəkkil cinayətkar qrup kimi fəaliyyət göstərib. Axtarışda olan 1334 nəfər də tutulub Bundan əvvəl bildirilmişdi ki, Daşkənd vilayətində Dövlət Təhlükəsizliyi Xidmətinin və gömrük orqanlarının əməkdaşları “Telegram” aptek vasitəsi ilə Rusiyadan Özbəkistana gətirilmiş 2,3 kiloqramdan çox sintetik “Alfa-PVP” narkotik vasitəni götürüblər Səhv tapsanız, lütfən, mətn parçasını seçin və Ctrl+Enter düymələrini basın