Türküstanda türk ölkələri arasında təhsil sahəsində əməkdaşlıq müzakirə olunub

Türküstanda Türk Dövlətləri Təşkilatına üzv dövlətlərin təhsil nazirlərinin IX iclası keçirilib. İclasda aidiyyəti departamentlərin rəhbərləri, OTC Katibliyinin nümayəndələri, həmçinin təşkilata üzv və müşahidəçi ölkələrin nümayəndə heyətləri iştirak ediblər İclası açan Qazaxıstanın elm və ali təhsil naziri Sayasat Nurbek Türküstanın türk dünyasının mənəvi-mədəni mərkəzi kimi xüsusi rolunu qeyd edib. Onun sözlərinə görə, şəhər qardaş dövlətlər arasında əməkdaşlığın və inteqrasiya proseslərinin gücləndirilməsi baxımından mühüm əhəmiyyət kəsb edir Sayasat Nurbek onu da xatırladıb ki, bu ilin may ayında Türküstanda Türk Dövlətləri Təşkilatının dövlət başçılarının süni intellekt və rəqəmsal inkişafa həsr olunmuş qeyri-rəsmi sammiti keçirilib. Sammitdən sonra süni intellekt, rəqəmsal transformasiya və insan kapitalının inkişafı türk ölkələri arasında uzunmüddətli əməkdaşlığın əsas istiqamətləri kimi müəyyən edilib Görüş iştirakçıları təhsil sahəsində gələcək qarşılıqlı fəaliyyət, insan kapitalının inkişafı və Türk Dövlətləri Təşkilatına üzv dövlətlər arasında akademik əlaqələrin gücləndirilməsi məsələlərini müzakirə ediblər. Türk məkanında rəqəmsal transformasiyanın dəstəklənməsi, təlim və birgə təşəbbüslərin genişləndirilməsində təhsil siyasətinin roluna xüsusi diqqət yetirilib