Rusiya küçədə namaz qıldığı üçün saxlanılan özbəkistanlının deportasiyasını ləğv edib

Sankt-Peterburq məhkəməsi əvvəllər cərimələnən və küçədə namaz qıldıqdan sonra Rusiyanı tərk etməyə məcbur edilən Özbəkistan vətəndaşının ölkədən çıxarılması barədə qərarı ləğv edib Əvvəlcə Primorski Rayon Məhkəməsi kişini qanunsuz missionerlik fəaliyyətində təqsirli bilib, 30 min rubl cərimə və inzibati qaydada deportasiya təyin edib. Səbəb isə onun Savuşkina küçəsindəki evlərdən birinin yaxınlığında namaz vaxtı saxlanması olub Müraciətdə müdafiə tərəfi qeyd edib ki, namaz qılmaq missionerlik fəaliyyəti deyil. Şəhər məhkəməsi bu arqumentlə razılaşıb və qeyd edib ki, iş materiallarında həmin şəxsin dini inancları yayması və ya imamlıq etməsi ilə bağlı heç bir sübut yoxdur Nəticədə cərimə və deportasiya ilə bağlı qərar ləğv edilib, Özbəkistan vətəndaşının özü isə miqrasiya mərkəzindən azad edilib. Prosessual pozuntuların aradan qaldırılması üçün iş yeni məhkəmə baxışına göndərilib Səhv tapsanız, lütfən, mətn parçasını seçin və Ctrl+Enter düymələrini basın