Qırğızıstanda yollarda ağıllı kameralardan istifadə olunur

Qırğızıstanda “Təhlükəsiz ölkə” layihəsi çərçivəsində yollarda müasir videomüşahidə və nəqliyyatın hərəkətinə nəzarət sistemləri quraşdırılaraq istifadə olunur. Bu barədə Daxili İşlər Nazirliyindən məlumat verilib İdarədən verilən məlumata görə, ictimai təhlükəsizliyin təmin edilməsi və yollarda vəziyyətə nəzarətin təmin edilməsi məqsədilə rəqəmsal texnologiyalar, o cümlədən smart videomüşahidə kameraları, aparat-proqram sistemləri və mobil monitorinq sistemləri tətbiq edilir Bu gün Bişkekdə, eləcə də Bişkek - Korday, Bişkek - Narın - Toruqart, Bişkek - Balıqçı - Çolpon-Ata - Karakol və Bişkek - Oş avtomobil yollarının müəyyən hissələrində müasir monitorinq sistemləri fəaliyyət göstərir Yolun vəziyyətini izləmək üçün "Avtouragan" mobil kompleksləri və aparat və proqram sistemlərindən istifadə olunur. Onlar sürət həddini aşmaq, qarşıdan gələn zolağa çıxmaq, yol nişanlarına əməl etməmək və digər yol hərəkəti qaydalarının pozulması hallarını avtomatik qeydə alırlar Daxili İşlər Nazirliyi qeyd edib ki, bu cür rəqəmsal həllərin tətbiqi yol-nəqliyyat hadisələrinin sayının azaldılması, sürücülərin məsuliyyətinin artırılması və ictimai təhlükəsizliyin gücləndirilməsi məqsədi daşıyır