Qazaxıstanda yanacaq qaçaqmalçılığına görə avtomobilləri və texniki stansiyaları kütləvi şəkildə yoxlamağa başlayıblar

Qazaxıstan Respublikasının Daxili İşlər Nazirliyi daxili iqtisadi təhlükəsizliyi qorumaq və neft məhsullarının “boz” ixracının qarşısını almaq üçün sərhəddə nəzarəti gücləndirdiklərini bildirib. 48 sərhəd-keçid məntəqəsində 59 patrul polis postu fəaliyyət göstərir İdarədən verilən məlumata görə, sərhədyanı ərazilərdə yerləşən Cambıl, Türküstan və Manqistau vilayətlərinə xüsusi diqqət yetirilir. Burada belə faktların qarşısının alınması və konstruksiyaları icazəsiz dəyişdirilmiş nəqliyyat vasitələrinin müəyyən edilməsi istiqamətində əlavə tədbirlər görülür Eyni zamanda, avtomobillərin qanunsuz olaraq yenidən təchiz edilməsini həyata keçirən və ya zəruri qeydiyyat və icazə sənədləri olmadan fəaliyyət göstərən texniki xidmət stansiyalarının fəaliyyətinin müəyyən edilməsi istiqamətində işlər davam etdirilir Belə ki, Korday rayonunun Korday kəndində polis əməkdaşları dövlət gəlirləri orqanlarının nümayəndələri ilə birlikdə əlavə yanacaq çənlərinin quraşdırılması ilə məşğul olan 16 texniki xidmət stansiyasına baxış keçirib "Yoxlamaların nəticələrinə əsasən, 6 mülkiyyətçi barəsində inzibati materiallar toplanıb. Təkcə son bir ayda polis tərəfindən 12 tona yaxın yanacaq-sürtkü materialının ixracı dayandırılıb. Qaz çəni dəyişdirilmiş 54 avtomobil müəyyən edilib. Onların sahibləri inzibati məsuliyyətə cəlb edilib", - deyə Daxili İşlər Nazirliyinin məlumatında bildirilir Bundan əvvəl Kursiv yazmışdı ki, Jambil vilayətində polis yanacaq-sürtkü materiallarının ölkə hüdudlarından kənara qanunsuz ixracını dayandırıb Daxili İşlər Nazirliyindən Azadinform-a verilən məlumata görə, Korday rayonunda sürücülərin əlavə yanacaq çənləri quraşdıraraq avtomobilləri xüsusi olaraq dəyişdirməsi sxemi müəyyən edilib. Bu, daşınan yanacağın həcmini onun sonradan qeyri-qanuni ixracı və təkrar satışı üçün artırmağa imkan verib