Bakıda “Nağıllar aləmində” verilişi təqdim olunur. - FOTO

Day.Az xəbər verir ki, Müslüm Maqomayev adına Azərbaycan Dövlət Akademik Filarmoniyasının və Azərbaycan Dövlət Uşaq Filarmoniyasının birgə təşkilatçılığı ilə keçirilən “Uşaqlar aləmi” I Beynəlxalq Musiqi Festivalı çərçivəsində “Nağıllar aləmində” proqramı təqdim olunub Qonaqlara uşaqlar üçün parlaq və yaddaqalan əsərləri ilə tanınan yazıçı Lalə Umudun “Nağıl yığan quş” nağılı əsasında bədii qiraət formatında hazırlanmış səhnəcik nümayiş etdirilib Azərbaycan Dövlət Uşaq Filarmoniyasının nəzdində fəaliyyət göstərən Musiqili Uşaq Teatrının gənc artistləri öz səmimi və duyğulu çıxışları, eləcə də səhnə məharəti sayəsində tamaşaçıları nağılların sehrli dünyasına valeh ediblər. Tamaşanın quruluşçu rejissoru Nəsimi Əliyevdir Tədbirin sonunda nağıl müəllifi Lalə Umud balaca oxuculara təşəkkür edib, onlara gələcək işlərində uğurlar arzulayıb və hədiyyələr təqdim edib. O, həmçinin tədbirin təşkilinə və dəstəyinə görə Uşaq Filarmoniyasının direktoru Səidə Tağızadəyə və direktoru Nəsimi Əliyevə minnətdarlığını bildirib Qeyd edək ki, bu nağıl müəllif tərəfindən xüsusi olaraq Uşaq Filarmoniyasının teatr qrupu üçün yazılıb. Rejissor Nəsimi Əliyevin sözlərinə görə, yaxın vaxtlarda Musiqili Uşaq Teatrının ifasında “Nəğmələri yığan quş” tamaşasının tam versiyasını tamaşaçılara təqdim etmək planlaşdırılır Tədbir çərçivəsində Dövlət Uşaq Filarmoniyasının Rəssamlıq Studiyasının tələbələrinin əsərlərindən ibarət sərgi də təşkil olunub (müəllimlər Günay Qarayeva və Nərminə Mirzəliyeva) Proqram başa çatdıqdan sonra iştirakçılara sertifikatlar, müəllimlərə isə təşəkkürnamələr təqdim olunub İnformasiya dəstəyi - Trend.Az, Day.Az, Milli.Az Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin