Azərbaycanda rəqəmsal dövlət arxitekturası inkişaf edir

Azərbaycan rəqəmsal dövlət arxitekturası üzərində işləyir Day.Az Trend-ə istinadən xəbər verir ki, bunu Bakıda keçirilən Kibertəhlükəsizlik üzrə IV Milli Forumun rəsmi açılış mərasimində Azərbaycan Milli Elmlər Akademiyasının (AMEA) vitse-prezidenti, İnformasiya Texnologiyaları İnstitutunun direktoru Rasim Əliquliyev deyib "Bu gün rəqəmsal dövlətə olan tələblər əvvəlki onilliklərdə mövcud olan tələblərdən əsaslı şəkildə fərqlənir. Son 20 ildə bu sahədə əhəmiyyətli irəliləyişlər əldə olunub" R.Əliquliyevin sözlərinə görə, hazırda əsas vəzifə ayrı-ayrı idarələrin korporativ maraqlarına deyil, Azərbaycanın milli maraqlarına və Konstitusiyanın tələblərinə cavab verən vahid rəqəmsal dövlət modelinin formalaşdırılmasıdır: "Hər bir dövlət qurumunun özünəməxsus vəzifələri və fəaliyyət istiqamətləri var. Müşahidələr göstərir ki, bu funksiyalar yüksək səviyyədə yerinə yetirilir. Lakin rəqəmsal transformasiya və kibertəhlükəsizliklə bağlı məqsədlərə yalnız inzibati və maliyyə resursları hesabına nail olmaq mümkün deyil. Bu sahə akademik dəstək, elmi potensial, eləcə də əməkdaşlıq tələb edir - həm ölkə daxilində, həm də beynəlxalq səviyyədə" AMEA-nın vitse-prezidenti qeyd edib ki, milli kibertəhlükəsizlik ekosistemi formalaşarkən həm obyekt, həm də subyekt komponentləri nəzərə alınmalıdır. “Obyekt” təhlükəsiz, etibarlı və davamlı olmalı, eyni zamanda insan dəyərlərinə hörmət prinsipləri üzərində qurulmalı olan rəqəmsal dövlətin özünə aiddir Eyni zamanda, şəbəkə və kommunikasiya infrastrukturunun inkişafı, daxili rəqəmsal ekosistemin formalaşdırılması, süni intellekt texnologiyalarının tətbiqi, onların idarə olunması, süni intellekt agentlərinin qarşılıqlı əlaqəsi və kollektiv süni intellekt modellərinin yaradılması kimi sahələr elm qarşısında yeni vəzifələr qoyur Milli kibertəhlükəsizlik sisteminin subyekt hissəsinin – institutların, mexanizmlərin və idarəetmə modellərinin formalaşdırılması məsələsi də az əhəmiyyət kəsb etmir. Sistemin arxitekturası, funksionallığı və inkişaf istiqamətləri elmi yanaşma əsasında müəyyən edilməlidir İnstitut direktorunun sözlərinə görə, hazırda müxtəlif elmi qurumlar və universitetlərlə birlikdə rəqəmsal dövlətin arxitekturasının, milli kibertəhlükəsizlik ekosisteminin əsas parametrlərinin müəyyən edilməsi, onların ölçülməsi və qiymətləndirilməsi, həmçinin kibertəhlükəsizliyin vəziyyətinin strateji səviyyədə monitorinqi istiqamətində işlər aparılır Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin