Azərbaycanda qəbul imtahanları keçiriləcək

Dövlət İmtahan Mərkəzi iyunun 7-də ali təhsil müəssisələrinə I və IV ixtisas qrupları üzrə qəbul imtahanı keçirəcək Dövlət Təhsil Mərkəzindən Day.Az-a verilən məlumata görə, həmin gün həm DT, həm də TK altqrup istiqamətlərini seçmiş III qrup abituriyentləri üçün coğrafiya fənni üzrə imtahan da keçiriləcək İmtahan Bakı, Xankəndi, Naxçıvan, Gəncə, Şəmkir, Ağstafa, Qazax, Sumqayıt, Abşeron, Şamaxı, Mingəçevir, Şəki, Zaqatala, Bərdə, Göyçay, Ucar, Kürdəmir, Şirvan, Sabirabad, Salyan, Lənkəran, Quba və Cəlilabç İmtahan saat 10:00-da başlayacaq. Giriş rejimi imtahanın başlanmasına 15 dəqiqə qalmış - saat 09:45-də başa çatacaq. Bu vaxtdan sonra gələn iştirakçılar imtahan binasına buraxılmayacaqlar Abituriyentlər imtahana aşağıdakı sənədləri gətirməlidirlər: imtahana buraxılış vərəqəsi və şəxsiyyəti təsdiq edən sənədin əsli Azərbaycan vətəndaşları, o cümlədən 16 yaşına çatmamış iştirakçılar şəxsiyyət vəsiqəsini təqdim etməlidirlər. Əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazələri təqdim etməlidirlər. Qaçqın statusu almış əcnəbi vətəndaşlar və onların ailə üzvləri qaçqın şəhadətnaməsini təqdim etməlidirlər Şəxsiyyət vəsiqəsində fotoşəkil olmayan iştirakçılar digər sənədlərlə birlikdə təhsil müəssisəsi tərəfindən verilmiş sertifikatı fotoşəkil əlavə etməklə təqdim etməlidirlər. İştirakçının möhürlə təsdiq edilmiş 3x4 sm ölçüdə fotoşəkili sertifikata əlavə olunur İmtahanın keçiriləcəyi şəhər və rayonlarda ümumilikdə 212 imtahan binası və 3803 imtahan binası ayrılıb. İmtahanın idarə edilməsində 212 ümumi imtahan rəhbəri, 605 imtahan rəhbəri, 4716 müşahidəçi, 673 qəbul işçisi və 212 bina nümayəndəsi iştirak edir İmtahanda I ixtisas qrupu üzrə 33 986, IV qrup üzrə 6 518 abituriyentin iştirakı nəzərdə tutulur. Həm DT, həm də TK altqrup istiqamətlərini seçmiş III qrup abituriyentləri üçün coğrafiya imtahanında 11186 nəfər iştirak edəcək. Ümumilikdə 51 690 abituriyentin iştirakı gözlənilir İmtahanda, həmçinin görmə, serebral iflic, eşitmə qüsuru və digər xüsusiyyətləri olan 65 abituriyent iştirak edəcək. Onların imtahanda rahat iştirak etmələri üçün binalarda xüsusi otaqlar ayrılıb. Bədən funksiyalarının 81-100 faiz pozulduğu müəyyən edilən görmə qüsurlu şəxslərə fərdi müşahidəçilər təyin edilir. Hərəkət qabiliyyəti məhdud olan abituriyentlər üçün də binaya, zala daxil olmaq və içəri keçmək üçün şərait yaradılıb Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin