Özbəkistan və ABŞ-da yerləşən Air Products yeni sənaye layihələrini sürətləndirmək barədə razılığa gəliblər

BAKI, Azərbaycan, 16 iyun. Özbəkistan Prezidenti Şavkat Mirziyoyev Daşkənd Beynəlxalq İnvestisiya Forumu çərçivəsində ABŞ-da yerləşən Air Products şirkətinin baş icraçı direktoru Eduardo Menezes ilə görüşüb, şirkətin Özbəkistanda investisiya layihələrinin genişləndirilməsini müzakirə edib Bu barədə Özbəkistan prezidentinin mətbuat xidməti iyunun 16-da yaydığı press-relizdə məlumat verib Danışıqlarda yüksək texnologiyalı istehsal müəssisələrinin inkişafı yolu ilə Özbəkistanın sənaye sektorunda aparıcı xarici investorlardan birinə çevrilmiş “Air Products” şirkəti ilə əməkdaşlığın gücləndirilməsi müzakirə olunub Özbəkistan hökumətinin məlumatına görə, Air Products-ın ölkədəki ümumi investisiya öhdəlikləri 1 milyard dolları ötüb. Şirkət bir sıra iri layihələri, o cümlədən Özbəkistan GTL-də sənaye qazının emalı obyektlərini, Fərqanə Neft Emalı Zavodunda hidrogen istehsalı layihəsini və Navoiazot-da maye karbon qazı istehsalı obyektini tamamlayıb “Air Products” ölkədəki fəaliyyəti çərçivəsində Daşkənd və Qarşi şəhərlərində də təhsil təşəbbüslərini dəstəkləyib Görüşün yekunları üzrə tərəflər şirkətin Özbəkistandakı mövcudluğunun genişləndirilməsinə yönəlmiş qarşılıqlı razılaşdırılmış yol xəritəsi çərçivəsində yeni birgə layihələrin həyata keçirilməsini sürətləndirmək barədə razılığa gəliblər Air Products, bazar kapitallaşması 60 milyard dolları ötməklə dünyanın ən böyük sənaye qazı istehsalçıları və təchizatçıları arasındadır. Şirkət 50-dən çox ölkədə hər il təxminən 200 milyon ton sənaye qazı istehsal edir və təxminən 750 istehsal müəssisəsindən ibarət qlobal şəbəkəni idarə edir