Özbəkistan milli komanda oyunçularının axtarışı ilə bağlı ABŞ-dan açıqlama tələb edib

Nyu-Yorkda Özbəkistan millisinin futbolçuları metal detektorlar və itlər vasitəsilə axtarışa verilib Özbəkistan Xarici İşlər Nazirliyinin mətbuat katibi Omonulla Fayziyev bildirib ki, Özbəkistan tərəfi Nyu-Yorkda keçiriləcək oyundan əvvəl futbol üzrə milli komandanın üzvlərinin axtarışı ilə bağlı ABŞ rəsmilərindən aydınlıq istəyib. O vurğulayıb ki, bu cür təhlükəsizlik tədbirləri idman tədbirlərinin ruhunu sarsıtmamalıdır. Daha sonra millinin baş məşqçisi Fabio Kannavaro bildirib ki, bu, standart təhlükəsizlik prosedurudur və baş verənlərdə heç bir qalmaqal və ya hörmətsiz rəftar yoxdur “İstənilən təhlükəsizlik tədbirlərinin dövlətlərin daxili qaydalarına uyğun tətbiq edildiyini anlayaraq, bu cür proseslərin idman tədbirlərinin, xüsusən də qarşılıqlı hörmət və dostluq münasibətlərinin ruhuna xələl gətirməməsini vacib hesab edirik”, - deyə Özbəkistan Xarici İşlər Nazirliyinin nümayəndəsi bildirib Futbol üzrə Özbəkistan milli komandası tarixində ilk dəfə olaraq 2026-cı ildə keçiriləcək futbol üzrə dünya çempionatının final mərhələsində iştirak edəcək. Turnir ABŞ, Kanada və Meksikada keçiriləcək və Özbəkistan komandası tarixdə Mərkəzi Asiyadan dünya çempionatına çıxan ilk komanda olub. Özbəkistan çətin K qrupuna düşüb. Onların rəqibləri Kolumbiya, Portuqaliya və Konqo Demokratik Respublikası komandaları olub