Özbəkistan və İtaliya CDP vebinarı vasitəsilə yeni investisiya imkanlarını araşdırırlar

BAKI, Azərbaycan, 12 iyun. CDP Business Matching platforması İtaliyanın Cassa Depositi e Prestiti (CDP) tərəfindən biznes və investisiya əməkdaşlığının genişləndirilməsi imkanlarını araşdırmaq məqsədi ilə “İtaliya Özbəkistanla görüşür” adlı onlayn vebinar keçirib Bu barədə Özbəkistanın Ticarət və Sənaye Palatasının rəsmi saytında məlumat dərc olunub Məlumata görə, Özbəkistan nümayəndə heyətini sənaye assosiasiyalarının, özəl müəssisələrin və regional administrasiyaların nümayəndələri ilə yanaşı, Özbəkistanın Ticarət-Sənaye Palatası sədrinin müşaviri Əlişir Şayxov təmsil edib. Tədbirdə həmçinin İtaliyanın Özbəkistandakı səfiri Guido De Sanctis, CDP, SACE, SIMEST, İtaliya Ticarət Agentliyi (ITA) və Confindustria-nın yüksək vəzifəli şəxsləri, həmçinin Cotonella S.p.A-nın baş icraçı direktoru Renato Spagnolo bir araya gəldi “Vebinar zamanı iştirakçılar Özbəkistan iqtisadiyyatı və bazarındakı əsas tendensiyaları, İtaliya və Özbəkistan şirkətləri arasında birbaşa biznesdən biznesə (B2B) əlaqələrin gücləndirilməsi imkanlarını və birgə investisiya layihələrinin həyata keçirilməsi perspektivlərini müzakirə ediblər. Tekstil, kənd təsərrüfatı, infrastruktur və turizm sahələrində əməkdaşlığa xüsusi diqqət yetirilib”, - deyə Ticarət və Sənaye Palatası bildirir Bundan başqa, məlumatda bildirilir ki, müzakirələrdə Özbəkistanda İtaliya investisiyalarına dəstək məqsədilə CDP, SACE və SIMEST tərəfindən təklif olunan maliyyə alətlərindən səmərəli istifadə, həmçinin Cotonella S.p.A-nın təcrübəsi əsasında lokallaşdırma layihələrinin genişləndirilməsi müzakirə olunub Tədbirin yekununda tərəflər Özbəkistanın Ticarət və Sənaye Palatasının iştirakı ilə CDP Business Matching platforması vasitəsilə onlayn B2B görüşlərinin təşkilini davam etdirmək və sistemli əsasda qarşılıqlı faydalı əməkdaşlığı daha da inkişaf etdirmək barədə razılığa gəliblər