Özbəkistan Qlobal Ekoloji Fondun donor ölkələri siyahısına qoşulmağa hazırdır - Prezident

Qlobal Ekoloji Fondun Assambleyası çərçivəsində Özbəkistan bir sıra təşəbbüslər irəli sürmək niyyətindədir. Bu barədə dövlət başçısının müraciətində deyilir Ölkə Səmərqənd şəhərinin “Mərkəzi Asiyanın yaşıl investisiya və innovasiya paytaxtı” elan edilməsini təklif edir “Biz Səmərqəndi yaşıl iqtisadiyyatın, davamlı inkişafın və iqlimin maliyyələşdirilməsinin regional mərkəzinə çevirməyi, şəhəri pilot “yaşıl ərazi” kimi inkişaf etdirməyi və bu təcrübəni daha da respublikanın digər şəhərlərinə yaymağı qarşımıza məqsəd qoymuşuq” İqlim dəyişikliyinin mənfi nəticələrinə qarşı effektiv həllərin işlənib hazırlanması məqsədilə Milli İqlim Dəyişikliyi və Hidrometeorologiya Mərkəzi yaradılır Mərkəz hidrometeorologiya, erkən xəbərdarlıq, qlasiologiya, iqlimə təsirin qiymətləndirilməsi və istixana qazlarının monitorinqini birləşdirəcək, iqlim proqnozları, modelləşdirmə, uyğunlaşma və təsirin azaldılması proqramları, regional əməkdaşlıq, həmçinin WMO GAW və NASA AERONET proqramlarında iştirak üçün institusional çərçivə yaradacaq Özbəkistan Prezidenti regionun bütün dövlətlərini “Təmiz Hava” dövlətlərarası konsorsiumunun fəaliyyətinə qoşulmağa dəvət edib Səhralaşmaya Qarşı Mübarizə İnstitutunun bazasında Aral dənizi regionunda səhralaşmanın nəticələrinin yumşaldılmasına, “yaşıl” qalxanların yaradılmasına və iqlimə uyğunlaşmaya yönəlmiş “səhra iqtisadiyyatı” təşəbbüsünün təşviq edilməsi və beynəlxalq maliyyə və texniki dəstək ilə GEF-in prioritetlərinə uyğun olaraq həyata keçirilməsi təklif olunur Daşkənd İnvestisiya Forumu 2027 “Dayanıqlı İnkişaf və Yaşıl İnvestisiyalar” mövzusunda keçiriləcək və onun çərçivəsində “Eco Expo Central Asia” beynəlxalq sərgisi təşkil olunacaq Forumda hər bir region yaşıl investisiyaların cəlb edilməsi üçün ən azı 100 perspektivli layihə hazırlayıb investorlara təqdim edəcək Özbəkistan Qlobal Ekoloji Fondun donor ölkələri sırasına qoşulmağa hazırdır. “Fond Şurasının üzvü kimi biz birgə regional təşəbbüsləri praktiki olaraq dəstəkləmək və əməkdaşlığı genişləndirmək niyyətindəyik”, - deyə dövlət başçısı qeyd edib Əvvəl yazmışdıq ki, Özbəkistanda növbəti səhralaşma riski çox yüksəkdir Səhv tapsanız, lütfən, mətn parçasını seçin və Ctrl+Enter düymələrini basın