Özbəkistan və Honq Konq bankları əməkdaşlığın genişləndirilməsi yollarını müzakirə edirlər

TAŞKENT, Özbəkistan, 5 may. Özbəkistanın bank sektoru ilə Honq Konq Banklar Assosiasiyası (HKAB) arasında əməkdaşlığın genişləndirilməsi perspektivləri Çində keçirilən görüşdə müzakirə edilib Görüşdə Kapital Bank, Octobank, Garant Bank, Asia Alliance Bank, Apex Bank, Anor Bank, TBC Bank və Üzüm Bank kimi aparıcı Özbəkistan banklarının nümayəndələri iştirak edib Müzakirələr bank xidmətlərinin rəqəmsal transformasiyası, investisiya layihələrinin dəstəklənməsi və maliyyə institutları arasında peşəkar təcrübə mübadiləsi də daxil olmaqla, əməkdaşlığın əsas istiqamətlərinə yönəldilib Görüşün yekununda tərəflər daimi kommunikasiya platformasının yaradılması və gələcək birgə təşəbbüslər üçün yol xəritəsinin hazırlanması barədə razılığa gəliblər Nəzərdə tutulan əməkdaşlığın Özbəkistanın Mərkəzi Asiyada inkişaf etməkdə olan maliyyə mərkəzi kimi mövqeyini gücləndirməsi, eyni zamanda regionda Honq-Konq investorları üçün imkanların genişləndirilməsi gözlənilir 1981-ci ildə yaradılmış Honq Konq Banklar Assosiasiyası Honq-Konqda bank sektorunun əsas nümayəndəlik orqanı kimi fəaliyyət göstərir və üzvlük regionda fəaliyyət göstərən bütün lisenziyalı banklar üçün tələb olunur