Uqandada Ebola təhlükəsi azalır: yeni yoluxma qeydə alınmayıb

Uqandada son beş gün ərzində Ebola virusuna yeni yoluxma halı aşkarlanmayıb AZƏRTAC xəbər verir ki, bu barədə ölkə Prezidenti Yoveri Kaquta Museveni məlumat verib. Onun sözlərinə görə, son günlər yalnız sağalma halları qeydə alınıb ki, bu da epidemioloji vəziyyətin yaxşılaşdığını göstərir. Prezident müsbət dinamikanı hökumətin həyata keçirdiyi tədbirlərlə əlaqələndirib və vətəndaşları gigiyena qaydalarına əməl etməyə çağırıb Rəsmi məlumata əsasən, Uqandada indiyədək Ebolaya 19 yoluxma halı qeydə alınıb. Qonşu Konqo Demokratik Respublikasında isə 635 yoluxma və 127 ölüm halı təsdiqlənib 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır