Ukrayna: Bir gündə 17 nəfər həlak olub, onlarla insan yaralanıb

Ukraynanın Hava Hücumundan Müdafiə Qüvvələri iyunun 6-na keçən gecə Rusiyanın 249 pilotsuz uçan aparatını məhv etdiyini, onlardan 19-unun hədəfi vurduğunu bildirib. Zaporojye və Dnepropetrovsk vilayətlərində ölən və yaralananlar var Ümumilikdə Rusiya Şahed, Gerbera, İtalmas, Banderol və Parody daxil olmaqla 272 hücum pilotsuz uçuş aparatını işə salıb Donetsk vilayətinin başçısı Vadim Filaşkin Telegram kanalına yazıb ki, ötən gecə baş verən hücumda azı 6 nəfər ölüb, 19 nəfər yaralanıb Xerson vilayətinin başçısı Aleksandr Prokudinin sözlərinə görə, dünəndən bəri 6 nəfər ölüb, 27 nəfər yaralanıb Xarkov vilayəti administrasiyasının rəhbəri Oleq Sinegubovun sözlərinə görə, son sutka ərzində 19 kənddə dağıntılar qeydə alınıb, 1 nəfər ölüb, 6 nəfər yaralanıb Zaporojyedə vilayət hərbi idarəsinin rəisi İvan Fedorovun sözlərinə görə, sənaye müəssisələrindən biri vurulub, iki işçi ilə əlaqə kəsilib, daha sonra onların cəsədləri tapılıb. Daha beş nəfər yaralanıb Dnepropetrovsk vilayətinin başçısı Aleksandr Gəncənin sözlərinə görə, Rusiya ordusu pilotsuz təyyarələr və artilleriya ilə vilayətin üç rayonuna təxminən 30 dəfə hücum edib. Krivoy Roq rayonunda 1 nəfər ölüb, 64 və 66 yaşlı kişilər, 64 yaşlı qadın isə yaralanıb. İnfrastruktur və bir müəssisə zədələnib Odessa vilayətində pilotsuz uçan aparatların hücumu nəticəsində yaşayış binaları, fərdi yaşayış evi, tibb mərkəzinin ərazisi və mehmanxana binasına ziyan dəyib Rayon rəhbəri Oleq Qriqorov məlumat verib ki, Sumı vilayətinin enerji infrastrukturuna hücum olub, bəzi yerlərdə dinc sakinlər işıqsız qalıb