UEFA prezidenti Aleksander Čeferin nəhəng final üçün İstanbula gəldi!

Beşiktaş Parkda keçiriləcək UEFA Avropa Liqası Finalı öncəsi bu axşam Çırağan Sarayında təşkil olunacaq rəsmi qala gecəsinə qatılacaq Çeferini İstanbul Hava Limanında yüksək səviyyəli nümayəndə heyəti qarşılayıb UEFA prezidenti Aleksander Çeferinin olduğu təyyarə İstanbul hava limanına enib. Çeferini təyyarədən Türkiyə Futbol Federasiyasının (TFF) prezidenti İbrahim Ethem Hacıosmanoğlu hərarətlə qarşılayıb Protokol qəbulunda TFF İdarə Heyətinin üzvü Muhammet Akçay, TFF baş müşaviri Yusuf Yerkel, TFF Xarici Əlaqələr və Milli Komandaların İcraçı Direktoru Buğra İmamoğulları və UEFA-nın strateji müşaviri Kadir Kardaş da iştirak edib. Yenidən Türkiyəyə gəldiyi üçün çox xoşbəxt olduğunu deyən UEFA prezidenti Çeferin İstanbulun daha əvvəl ev sahibliyi etdiyi unudulmaz finalları xatırladıb və həmin tarixi təşkilatlara layiq final matçı gözlədiyini bildirib Sabah axşam oynanılacaq nəhəng matç öncəsi İstanbul bu axşam futbol dünyasının elit adlarını qəbul edəcək. Beşiktaş Parkda Almaniyanın "Frayburq" və İngiltərənin "Aston Villa" komandaları arasında oynanılacaq UEFA Avropa Liqasının finalından əvvəl ənənəvi qala şam yeməyi təşkil olunacaq Çırağan Sarayının ev sahibliyi etdiyi bu mötəbər şam yeməyi bu axşam saat 19.30-da başlayacaq. Sabah axşam saat 22.00-da kubokun sahibini tapmaq üçün möhtəşəm final matçı başlayacaq