Təyyarədə dəhşət! O, təcili çıxış qapısını açıb çölə atılmağa çalışıb

ABŞ-da Frontier Airlines şirkətinə məxsus təyyarədə qorxulu anlar yaşanıb. İddiaya görə, bir sərnişin təyyarə səfərdə olarkən təcili çıxış qapısını açaraq onu atmağa çalışıb. Digər sərnişinlərin müdaxiləsi ilə şəxs zərərsizləşdirildiyi üçün təyyarə marşrutu dəyişməli olub Puerto-Rikonun San Juan şəhərindən Çikaqo O'Hare hava limanına uçan Frontier Airlines-a məxsus 3345 saylı reysdə çaxnaşma yaranıb Sosial mediada paylaşılan görüntülərdə bir çox sərnişinin oturacaqlar arasında bir adamı zərərsizləşdirməyə çalışdığı görünür. Salonda dava zamanı bəzi sərnişinlərin həmin şəxsi tutaraq idarə etməyə çalışdığı anlar kameralara düşüb İddialara görə, sözügedən sərnişin uçuş zamanı təcili çıxış qapısını açmağa çalışıb və təyyarədən tullanmaq istəyib. Hadisədən sonra kabin heyəti vəziyyəti pilotlara çatdırıb, digər sərnişinlər isə müdaxilə edib ABŞ Federal Aviasiya Administrasiyasının (FAA) verdiyi açıqlamaya görə, San Juandan Çikaqoya uçan Frontier Airlines 3345 saylı reysi təyyarədə sərnişinlə bağlı insident səbəbindən yerli vaxtla saat 23.55 radələrində Mayami Beynəlxalq Hava Limanına istiqamətləndirilib. Daha sonra təyyarə Mayamiyə təhlükəsiz eniş edib FAA hadisədən sonra araşdırmalara başlanıldığını açıqlayıb. Səlahiyyətlilər təyyarədəki insidentin səbəbi və sərnişinin davranışı ilə bağlı araşdırmanın davam etdiyini bildirib