Təyyarə havaya qalxdı və gəlir! "Beşiktaş"ın italiyalı məşqçisi

Trendyol Superliqasında mövsümü başa vuran Sergen Yalçınla yollarını ayıran "Beşiktaş" yeni məşqçisini tapıb. “Qara-ağlar”ın futbol direktoru Öndər Özenin apardığı danışıqlar nəticəsində italyan baş məşqçi Vinçenzo Italiano ilə razılıq əldə olunub Beşiktaş klubu Vinçenzo Italianonun bu gün İstanbula gələcəyini açıqlayıb. Ağ-qara klubdan verilən açıqlamada "Danışıqlara başladığımız məşqçi Vinçenzo Italianonu daşıyan təyyarə bu gün saat 16.00 radələrində Atatürk Hava Limanı Baş Aviasiya Terminalında olacaq" ifadəsi işlədilib Beşiktaş, İctimaiyyəti Məlumatlandırma Platformasına (KAP) edilən bildirişlə Vincenzo Italiano ilə rəsmi danışıqlara başladığını da açıqlayıb. Klubdan İctimaiyyəti Məlumatlandırma Platformasına (KAP) edilən açıqlamada deyilir: "Şirkətimiz Football A Team məşqçisi vəzifəsi üçün Vincenzo Italiano ilə danışıqlara başlayıb" İstanbula gələcək 48 yaşlı çalışdırıcının səhhəti yoxlanıldıqdan sonra rəsmi müqaviləyə imza atacağı gözlənilir. Beşiktaşda yeni mövsüm planının Italianonun hesabatına uyğun formalaşacağı öyrənilib Məşqçi karyerasına "Viqontina"da başlayan Vinçenzo Italiano daha sonra Arzinano, Trapani, Spezia, Fiorentina və Bolonya komandalarını çalışdırıb 48 yaşlı çalışdırıcı məşqçilik karyerasında 466 matçda 211 qələbə, 117 heç-heçə və 138 məğlubiyyət yaşayıb. “Fiorentina” ilə ardıcıl iki dəfə UEFA Konfrans Liqasının finalına çıxan Italiano, ötən mövsüm “Bolonya” ilə İtaliya kubokunu qazanaraq karyerasının ən mühüm uğurlarından birinə imza atıb. Finalda "Milan"ı 1:0 hesabı ilə məğlub edən "Bolonya" kuboku öz muzeyinə aparıb