Trampın Zelenski ilə “çox yaxşı görüşü” olub - foto; 14:04 yeniləndi

ABŞ prezidenti Donald Tramp Fransada keçirilən G7 sammiti çərçivəsində Ukrayna prezidenti Vladimir Zelenski ilə görüşdüyünü və iyunun 16-da yenidən onunla görüşəcəyini bildirib Amerika lideri Qətər əmiri Şeyx Təmim bin Həməd Al Tani ilə görüşdə deyib: "Yaxşı görüşümüz oldu. Onunla daha sonra görüşəcəm. Çox yaxşı görüşümüz oldu" Çərşənbə axşamı, iyunun 16-da Ukrayna prezidenti Vladimir Zelenski Fransanın Evian şəhərində keçirilən G7 sammiti çərçivəsində ABŞ prezidenti Donald Tramp və Fransa prezidenti Emmanuel Makronla görüşüb. Bu barədə “Kyiv Independent” mənbələrə istinadən yazır Bu, Kiyevin Rusiya ilə sülh danışıqlarını bərpa etməyə çalışdığı bir vaxtda Zelenski ilə Tramp arasında təxminən dörd ay ərzində ilk üz-üzə görüşdür Görüşdən sonra hər üç prezident G7 liderlərinin birgə işçi iclasına qatılıb və burada əsas mövzulardan biri Rusiyanın Ukraynaya qarşı müharibəsi olub. Nəşr qeyd edir ki, görüş otağına sonuncu daxil olanlar Zelenski, Tramp və Makron olub. Görüşün təfərrüatları barədə məlumat verilmir İyunun 14-də The Guardian Tramp və Zelenskinin G7 sammitində iştirak edəcəyini, lakin onların ayrı-ayrılıqda görüşünün planlaşdırılmadığını yazmışdı