Türkmənistan və Misir ikitərəfli əməkdaşlığın genişləndirilməsini müzakirə edirlər

AŞQABAT, Türkmənistan, 29 aprel. Türkmənistan və Misir bir sıra sektorlar üzrə ikitərəfli əməkdaşlığın genişləndirilməsi perspektivlərini müzakirə ediblər Müzakirə Türkmənistanın xarici işlər nazirinin müavini Serdar Muhammetdurdyev ilə Misirin Türkmənistana yeni təyin olunmuş səfiri Hamdi Şaaban Abdelhalim Mohamed arasında görüş zamanı baş tutub. O, etimadnaməsinin surətlərini təqdim edib Görüşdə siyasi, iqtisadi və mədəni sahələrdə əməkdaşlığın hazırkı vəziyyəti və gələcək perspektivləri nəzərdən keçirilib, iki ölkə arasında müqavilə-hüquq bazasının genişləndirilməsi imkanları araşdırılıb. Görüşdə, həmçinin qarşılıqlı maraq doğuran regional və beynəlxalq məsələlər ətrafında fikir mübadiləsi aparılıb Hər iki tərəf xarici işlər nazirlikləri arasında siyasi məsləhətləşmələri davam etdirməyə, habelə iqtisadi, elmi və texniki əməkdaşlıq üzrə hökumətlərarası komissiyanın iclaslarını keçirməyə hazır olduqlarını bildiriblər. Aşqabad və Qahirədə mədəniyyət günlərinin təşkili, səhiyyə, təhsil və turizm sahələrində əlaqələrin gücləndirilməsi planları da müzakirə edilib