Turistlərlə dolu idi! Dünyaca məşhur çimərliyə giriş qadağandır

Yunanıstanın Zakintos adasında yerləşən və hər il on minlərlə turistin ziyarət etdiyi Navagio çimərliyi ilə məşhur olan körfəz sürüşmə təhlükəsi səbəbindən müvəqqəti olaraq bağlanıb Zakintos Bələdiyyəsi və Yunanıstan Turizm Nazirliyinin verdiyi qərara əsasən, çimərliyə giriş oktyabrın 31-dək qadağan edilib Qərar çərçivəsində ziyarətçilərin çimərliyə getməsinə icazə verilməyəcək. Turistlər Navagio Qəzasını və körfəzi yalnız regionda yaradılmış baxış platformasından izləyə biləcəklər Firuzəyi dənizi, ağ qumlu çimərliyi və sahildə batmış gəmisi ilə dünyanın ən çox fotoşəkil çəkilən turistik yerləri arasında yer alan bölgə, xüsusilə yay aylarında böyük diqqət çəkir Qadağada keçən həftə baş verən qəza təsirli oldu. “Sözcü”dən Yaşar Anterin xəbərinə görə, səlahiyyətlilər, amerikalı turistin sürüşmə nəticəsində uçurumdan yıxılaraq ağır yaralandığını açıqlayıb Bölgədə oxşar hadisələrin daha əvvəl də yaşandığı bildirilsə də, ziyarətçilərin təhlükəsizliyi üçün çimərliyin müvəqqəti bağlanmasına qərar verilib Mütəxəssislər qeyd edirlər ki, Navagio körfəzinin ətrafındakı yüksək qayalıqlarda vaxtaşırı qayaların uçması və sürüşmə baş verir. Səlahiyyətlilər, bölgədəki məhdudiyyətlərin risk aradan qaldırılana qədər davam edəcəyini bildirdi