Tural Hacılı Azərbaycanda zərgərlik məmulatlarının ixracının artımı haqqında

Bu ilin birinci rübündə Azərbaycanın zərgərlik məmulatlarının ixracı 47% artıb Day.Az Trend-ə istinadən xəbər verir ki, bunu Azərbaycanda İxracın və İnvestisiyaların Təşviqi Agentliyinin (AZPROMO) icraçı direktorunun müavini Tural Hacılı Bakıda "Azərbaycan Zərgərlik Şousu" sərgisinin açılış mərasimində deyib Onun sözlərinə görə, zərgərlik sənayesi ölkənin iqtisadiyyatı və ixrac potensialı üçün mühüm əhəmiyyət kəsb edir "Zərgərlik sənayesi istehsalımıza və ixracımıza əlavə dəyər qatdığından onun dəstəyi bizim üçün xüsusi əhəmiyyət kəsb edir. Bu ilin birinci rübündə Azərbaycanın zərgərlik məmulatlarının ixracı əhəmiyyətli dərəcədə - 47% artıb. Bu rəqəm iqtisadiyyatımız üçün böyük əhəmiyyət kəsb edir" T.Hacılı vurğuladı ki, Azərbaycan Zərgərlik Sərgisi ölkə mədəniyyətinin və adət-ənənələrinin tərkib hissəsi kimi Azərbaycan zərgərlik sənətinin təbliğində xüsusi rol oynayır O, həmçinin bildirib ki, açılış mərasimindən sonra qonaqlar üçün sərgiyə ekskursiya təşkil olunacaq və bu ekskursiya zamanı iştirakçılar Azərbaycanın zərgərlik sənayesi ilə daha yaxından tanış ola biləcəklər AZPROMO nümayəndəsi tədbirdə iştirak etdiklərinə görə türkiyəli tərəfdaşlara təşəkkür edib "Bu, ilk zərgərlik sərgisidir. Gələcəkdə onun əhatə dairəsini genişləndirməyi və daha çox beynəlxalq iştirakçı və şirkətləri cəlb etməyi planlaşdırırıq. Fürsətdən istifadə edərək şirkətlərinizi gələcək sərgilərdə iştirak etməyə dəvət edirəm", - Tural Hacılı əlavə edib Qeyd edək ki, “Azerbaijan Jewelry Show” beynəlxalq sərgisində Azərbaycan və Türkiyədən zərgərlik sənayesində çalışan şirkətlər iştirak edir Sərgidə qiymətli daşlardan, qızıl və gümüşdən, külçə və sikkələrdən hazırlanmış məmulatlar, kostyum zərgərlik məmulatları, zərgərlik üçün qablaşdırma, həmçinin zərgərlik sənayesi üçün avadanlıq və materiallar təqdim olunur Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin