İddialara görə, Tramp Mavrikiydən Çaqos adalarını almağı düşünür

İngiltərənin bölgədəki suverenliyini təhvil vermə planlarının dayandırılmasından sonra Donald Tramp administrasiyasının Mavrikiydən Çaqos adalarını almaq planını nəzərdən keçirdiyi iddia edilib. Britaniya mətbuatında yer alan xəbərlərə görə, sözügedən addım Dieqo Qarsiya hərbi bazasına birbaşa nəzarəti təmin etmək məqsədi daşıyır Ağ Ev potensial satınalma planı ilə bağlı iddialarla bağlı suallara cavab vermədi Məlumata görə, plan ABŞ administrasiyasının Britaniya hakimiyyət orqanlarından yan keçməsini, adanı almasını və birgə Dieqo Qarsiya hərbi bazasına nəzarəti təkbaşına ələ almasını nəzərdə tutur Lakin bunun baş verməsi üçün adalar ilk növbədə suveren status qazanmalı və ABŞ birbaşa Mavrikiylə satınalma danışıqları aparmalıdır. İngiltərənin adaları Mavrikiyə verməsini nəzərdə tutan qanun layihəsi ABŞ-ın aprel ayında dəstəyini geri çəkməsindən sonra rəfə düşüb Bildirilib ki, adaların alınması ideyası ABŞ-ın dəyərləndirdiyi bir neçə təklifdən biridir. Bildirilib ki, planı Trampa ABŞ-ın maliyyə naziri Skott Bessent təqdim edib, lakin bu, hazırda ən güclü variant deyil. Qeyd olunub ki, Tramp administrasiyasındakı bəzi səlahiyyətlilər, adaların Çinin müttəfiqi olan Mavrikiyaya veriləcəyi təqdirdə bunun casusluq fəaliyyətlərinə zəmin yarada biləcəyindən narahatdırlar Digər tərəfdən, keçən həftə İngiltərəyə səfər edən Çaqos qaçqınlarından ibarət heyət, məsələnin İngiltərə siyasətində ilişib qaldığını ifadə etdi Çaqos Qaçqınlar Qrupunun altı nəfərlik nümayəndə heyəti adaların gələcəyi ilə bağlı razılığa gəlməkdə Böyük Britaniyanı tam dəstəklədiklərini açıqlayıb. Nümayəndə heyətinin rəhbəri Louis Olivier Bancoult, "Ən əhəmiyyətlisi bizim hüquqlarımızdır. İngiltərə hökumətində xalqımız üçün həll yolu tapmaq üçün real iradə yoxdur. Biz bir yol tapmalıyıq, hələ də əziyyət çəkirik və mövqeyimiz bəllidir; doğulduğumuz yerdə yaşamaq haqqımız var" dedi ABŞ-ın Çaqos adalarını almaq ehtimalını gündəmə gətirməsi ABŞ-İsrail və İran arasında fevralın sonundan bəri davam edən müharibənin ortasında baş verib Hind okeanının mərkəzində yerləşən Dieqo Qarsiya bazası İrandan təxminən 3800 kilometr aralıda yerləşir və ABŞ-ın uzaq mənzilli raketlərini yerləşdirə biləcəyi hava bazasına malikdir Müharibə başlayandan bəri İran birgə bazaya qarşı dəfələrlə hücuma cəhd edib. Bu hücumlardan biri, martın sonlarında ABŞ hərbi gəmisi tərəfindən qarşısı alınıb. Mart ayında Britaniya ABŞ-a bu ortaq bazadan istifadə edərək İranın raket sistemlərini vurmağa icazə vermişdi. Tramp bu qərarı “çoxdan gecikmiş” adlandırıb və Britaniya rəsmilərinin bu addımı daha əvvəl atmalı olduğunu müdafiə edib İranın xarici işlər naziri Abbas Arakçi sosial media hesabındakı paylaşımında İngiltərənin baş naziri Keir Starmerə xəbərdarlıq edərək, "İngiltərə bazalarından İrana qarşı təcavüz üçün istifadə edilməsinə icazə verməklə Britaniya xalqının həyatını təhlükəyə atırsınız" deyib Mövzu ilə bağlı açıqlama verən İngiltərə hökumət sözçüsü, İngiltərənin Dieqo Qarsiyadakı hərbi baza üzərində nəzarəti təhdid altında olduğu bir vəziyyəti öz üzərinə götürdüklərini ifadə edərək, "Milli maraqların qorunması və düşmənlərimizin bu strateji nöqtədə mövqe qazanmasının qarşısını almaq üçün hərəkətə keçmək lazım idi" dedi “Dieqo Qarsiya 60 ilə yaxındır bizim kollektiv təhlükəsizliyimizi qoruyan əsas strateji hərbi aktivdir” dedi. ABŞ-ın buna qarşı çıxacağı təqdirdə suverenliyin transferi müqaviləsinə davam edib-etməyəcəkləri sualına hökumət mənbələri, "ABŞ-ın dəstəyi olmadan irəliləməyəcəyimizi həmişə açıq şəkildə ifadə etmişik" dedi