Tramp üçün soyuq duş: İran raket obyektlərinin 90%-ni qoruya bilib!

New York Times qəzetinin əldə etdiyi məxfi sənədlərə görə, ABŞ-ın ağır bombardmanlarına baxmayaraq, İranın raket meydançalarının və buraxılış meydançalarının 90 faizi hələ də fəaliyyətdədir. Hesabatda vurğulanan diqqətçəkən detallar aşağıdakılardır: Bildirilir ki, raket bazaları hava zərbələri ilə məhv edilə bilməyəcək qədər dərin və möhkəmləndirilib. Bildirilir ki, İran ordusu hücum zamanı raketləri mobil maşınlarla sürətlə müxtəlif nöqtələrə daşıyaraq məhv olmaqdan xilas edib İranın ümumi hərbi potensialının 70 faizinin hələ də qorunduğu təxmin edilir ABŞ donanması üçün ən böyük təhlükə olan Hörmüz boğazında vəziyyətin dəyişmədiyi vurğulanıb. Bölgədəki 33 raket yerindən ən azı 30-nun hələ də aktiv olduğu bildirilir. Bu o deməkdir ki, İran istənilən vaxt sürətli qayıqlardan və dəniz minalarından ibarət “Ağcaqanad Donanması” ilə əsas su yollarını bağlaya bilər Hesabatın ən şokedici iddialarından biri ABŞ ordusunun logistik vəziyyəti ilə bağlı olub. Sənədlərə görə, Amerika ordusu; Tomahawk, Patriot və ATACMS kimi kritik raket ehtiyatlarını demək olar ki, tükəndirdi. Bu vəziyyət əməliyyatın davamlılığı ilə bağlı suallar doğurur Xəbər dərc edildikdən sonra ABŞ prezidenti Donald Tramp sosial media hesabında tənqid atəşinə tutub. NYT və xəbəri yayan medianı hədəf alan Tramp deyib: "Saxta xəbər mediası deyir ki, İran düşməni bizə qarşı hərbi cəhətdən uğur qazanır. Bu, o qədər yalan və absurd iddiadır ki, az qala vətənə xəyanətdirlər. Onlar düşmənə yardım edir". Müdafiə (Müharibə) Naziri Pete Hegseth də Konqresdəki sorğusunda sursat böhranını inkar etdi və dedi: "Bizim ehtiyacımız olan hər şey boldur, iddialar axmaqcasına şişirdilmişdir"