Tramp Tayvan məsələsində Çinə qapını bağlayır

Pekindəki təmaslarından sonra ABŞ prezidenti Donald Tramp “gözəl səfər” keçirdiyini bildirib və təyyarədə mətbuat mənsublarının suallarını cavablandırıb. Ticarət və təhlükəsizlik yönümlü açıqlamaları ilə diqqət çəkən Tramp Çin və İranla bağlı yeni yol xəritəsini paylaşıb Çinin Amerikanın aviasiya nəhəngi Boeing-dən 200 təyyarə almağa razılaşdığını xatırladan Tramp, bu rəqəmin 750-yə yüksələ biləcəyini müjdələdi. Tramp Şi Cinpin haqqında “O, çox ağıllı insandır və ölkəsini çox sevir” deyərək, danışıqlarda gömrük tariflərinin gündəmdə olmadığını bildirib Tayvanla bağlı müstəqillik mübarizəsinin şiddətli qarşıdurmaya çevrilməsi riskinə diqqət çəkən Tramp, Pekinə heç bir vəd vermədiyini vurğulayıb: "Xi-nin Tayvanla bağlı çox qəti fikirləri var, lakin o, müstəqillik mübarizəsi nəticəsində yaranacaq şiddətli münaqişədən qaçır. Tayvanla bağlı Çin qarşısında öhdəlik götürməmişəm. Xüsusilə, silah satışı ətraflı müzakirə olunub; bu məsələ ilə bağlı yekun qərar mənə məxsusdur və mən qərarımı qısa müddətdə verəcəyəm" İrana qarşı əməliyyatların böyük ölçüdə tamamlandığını iddia edən Tramp Tehranın raket istehsal gücünün 85%-nin aradan qaldırıldığını iddia edib. İranın heç vaxt nüvə silahına malik olmayacağını vurğulayan prezident deyib ki, Si Cinpin də bu məsələdə ABŞ-la həmfikirdir: "Mən heç kimdən yaxşılıq istəmirəm. Əgər lütf diləyirsənsə, bunun müqabilində yaxşılıq etməlisən. Bu bizə lazım deyil; biz İranın silahlı qüvvələrini tamamilə məhv etmişik. İranlılar mənə etiraf etdilər ki, uranın zənginləşdirilməsini dayandıracaq texnologiyaya malik deyillər, bunu yalnız biz və ya Çin edə bilər" Tramp Çin prezidenti ilə Rusiya-Ukrayna müharibəsini hərtərəfli müzakirə etdiyini və hər iki liderin bu qanlı prosesi tez bir zamanda sona çatdırmaq üçün ortaq istəyi olduğunu bildirib