Tramp: "İran Hörmüz boğazı yaxınlığında ABŞ ordusunun helikopterini vurub"

ABŞ prezidenti Donald Tramp dünən Hörmüz boğazı yaxınlığında qəzaya uğrayan ABŞ ordusuna məxsus hücum helikopterinin İran tərəfindən vurulduğunu iddia edərək, "ABŞ bu hücuma cavab verməlidir" deyib ABŞ prezidenti Donald Tramp ötən gün Hörmüz boğazı yaxınlığında qəzaya uğrayan ABŞ ordusuna məxsus "AH-64 Apache" tipli hücum helikopteri ilə bağlı açıqlama verib. Tramp sosial media hesabındakı paylaşımında helikopteri İran ordusunun vurduğunu iddia edib. ABŞ prezidenti açıqlamasında "Hərbçilərimizdən indicə mənə məlumat verildi ki, ötən gecə iranlılar Hörmüz boğazında patrulluq edən yüksək inkişaf etmiş Apaçi helikopterini vurublar. Hadisə zamanı iki pilot vəzifə yerinə yetirib. Hər ikisi təhlükəsizdir və heç bir xəsarət almayıb" deyib Tramp ABŞ ordusunun İrana hücum etməli olduğunu müdafiə edərək, “ABŞ bu hücuma cavab verməlidir” deyib “Biz çox yaxşı anlaşmanın son mərhələsindəyik” dedi Tramp bu səhər verdiyi açıqlamada İranla danışıqlarla bağlı "2 və ya 3 gün ərzində saziş imzalamaq üçün yaxşı şansımız var. Çox, çox yaxşı razılaşmanın son mərhələsindəyik. Əgər gedib onu bombalasaq, istəsək, bunu çox asanlıqla edə bilərik, daha 2-3 həftə bombalamağa davam etsək, heç bir şeyləri olmayacaq. Amma Hörmüz boğazı aylarla bağlanacaq" dedi Tramp Cənubi Karolina ştatından Respublikaçı senator Lindsey Graham üçün ABŞ praymerizləri öncəsi virtual mitinqə qatılaraq çıxışında İranı da xatırladıb. Tramp, "Düşünürəm ki, bu müharibədə qalib gəlirik, lakin qarşıdakı 2 həftə ərzində tam qələbəmizi elan etdiyimiz zaman əsl qələbəni qazanacağıq. Bu, tam bir qələbə olacaq. Bu, çox yaxında baş verəcək və neft qiymətləri sürətlə aşağı düşəcək" dedi. -Vaşinqton