Türkmənistanda məktəbdə telefondan istifadə ilə bağlı yeni qayda tətbiq edilib

Türkmənistanın Təhsil Nazirliyi şagird və tələbələrin mobil telefon və digər cihazlardan istifadə qaydasını rəsmən qəbul edib Bu barədə yerli Jeuhun.news nəşrinə istinadən AzadlıqRadiosunun türkmən xidməti məlumat yayıb Nazirlikdən verilən məlumata görə, yeni prosedur tələbələrin dərs zamanı diqqətinin yayınmamasının qarşısını almaq və tədris prosesinin səmərəliliyini artırmaq məqsədilə qəbul edilib Yeni sərəncama əsasən, yeni tədris ilindən məktəblilər və ali təhsil müəssisələrinin tələbələri fərdi mobil cihazlardan dərs zamanı yalnız müəllimin icazəsi ilə istifadə edə bilərlər Mobil cihazlara rabitə, internet, foto, video və səs yazma funksiyaları olan bütün cihazlar, mobil telefonlar, smartfonlar, planşetlər, noutbuklar və smart saatlar daxildir Bu cihazlar dərs zamanı səssiz olmalıdır. Təhsil müəssisələri cihazların saxlanması üçün xüsusi yerlər təşkil etməyə borcludurlar Məlumata görə, yeni qaydalar cəmiyyətdə müxtəlif fikirlər yaradıb. Təhsil sektorunun nümayəndələri məhdudiyyətləri dəstəkləyir və deyirlər ki, nəzarətsiz telefonlardan istifadə təlim prosesinə mane olur. Şagirdlər və valideynlər qeyd edirlər ki, mobil qurğular fövqəladə hallarda və təhsil məqsədləri üçün lazımdır Türkmənistanda əvvəllər də rabitə vasitələrinin istifadəsinə qeyri-rəsmi məhdudiyyətlər tətbiq edilib. Bəzi məktəb və universitetlərdə şagird və tələbələrə telefondan istifadənin qadağan edildiyi, bəzən onların cihazlarında axtarış aparıldığı bildirilirdi Belə məhdudiyyətlər təkcə şagird və tələbələrə deyil, həm də büdcə müəssisələrində çalışanlara şamil edilib. Əvvəllər hökumət müəllimlərin və tibb işçilərinin iş yerlərində mobil telefondan istifadəsinə məhdudiyyətlər qoyub. Lakin bu qərarların səbəbləri rəsmi olaraq açıqlanmayıb