Türkiyə bayrağı köynəyi ilə video çəkən rus yazıçıdan Putinə inanılmaz sözlər

Müharibə iqtisadiyyatı və ardıcıl qadağa qərarlarından sonra Rusiyada sosial reaksiyalar artsa da, prezident Vladimir Putinə qarşı tənqidlər diqqəti cəlb edib Sosial medianın təsir dairələri və hətta hökumətə yaxın olan bəzi şəxslər Putini tənqid edərək ölkədə qeyri-adi mənzərəni ortaya qoyublar. Bu tənqidlər Kremlə təzyiq göstərir Ən diqqətçəkən nümunələrdən biri də bloger Viktoria Bonyanın Türkiyə bayrağı olan köynəklə paylaşdığı video olub. 13,6 milyon izləyicisi olan Bonyanın 19 dəqiqəlik videosu 31 milyon baxışa çatıb. Videoda Bonya Putinin Dağıstanda daşqınların düzgün idarə olunmaması, Sibirdə fermerləri üsyana qaldıran heyvanların kəsilməsi, internet qadağaları və kiçik bizneslərin yaşadığı çətinliklər barədə yanlış məlumatlandırıldığını iddia edib Putini dəstəklədiyini vurğulayan Bonya birbaşa danışaraq, "Bilmədiyiniz çox şey var. İnsanlar indi ağ ciyərlərinin üstündə qışqırır. Onların hər şeyi əllərindən alınıb və götürülməkdə davam edir. Bizneslər ölür" dedi. Bonya sadə rusların və məmurların həqiqəti söyləməkdən qorxduğunu da dilə gətirib Artan reaksiyaların ardından Kremlin sözçüsü Dmitri Peskov videodan xəbərdar olduqlarını ifadə edərək, "Bonyanın qeyd etdiyi problemlər üzərində çox iş aparılır və heç biri diqqətdən kənarda qalmır" dedi Putinin uzun müddətli tərəfdarlarından olan Kommunist Partiyasının lideri Gennadi Zyuqanov da parlamentdəki çıxışında hökuməti sərt sözlərlə tənqid edib və problemlər həll olunmasa, 1917-ci il Bolşevik İnqilabının yenidən baş verə biləcəyi ilə bağlı xəbərdarlıq edib