Tramp İrana 300 milyard dollar ödəmə ilə bağlı xəbərləri saxta adlandırıb

ABŞ administrasiyası İran iqtisadiyyatına özəl kapitalı cəlb etmək üçün istifadə oluna biləcək 300 milyard dollara qədər investisiya fondu yaratmaq imkanını nəzərdən keçirir. Bu barədə “Financial Times” mənbələrə istinadən məlumat yayıb Nəşrin yazdığına görə, söhbət hökumətin birbaşa maliyyələşməsindən və ya vəsaitlərin Tehrana köçürülməsindən getmir. Gözlənilir ki, fond İran bazarına çıxmaqda maraqlı olan özəl investorlar və şirkətlər tərəfindən formalaşdırılacaq Bundan əvvəl ABŞ-ın vitse-prezidenti J.D.Vens demişdi ki, İran Vaşinqtonla gələcək razılaşmalar üzrə öhdəliklərini yerinə yetirərsə, bərpa fonduna daxil ola bilər FT həmsöhbətləri iddia edirlər ki, Avropa və Asiya şirkətləri, o cümlədən Cənubi Koreya və Yaponiya artıq potensial investisiyalara maraq göstərirlər. Amerika şirkətləri də iştirak imkanlarını araşdırır Qəzetin mənbələri qeyd edir ki, layihənin həyata keçirilməsi yalnız tərəflər arasında yekun razılıq əldə edildikdən sonra mümkündür. Müzakirə olunan şərtlər arasında atəşkəs rejiminin 60 gün uzadılması, Hörmüz boğazından sərbəst naviqasiyanın təmin edilməsi və İranın nüvə proqramı ilə bağlı danışıqların davam etdirilməsi daxildir Bu arada ABŞ prezidenti Donald Tramp Vaşinqtonun İrana yüz milyardlarla dollar ayırmaq niyyətində olduğuna dair xəbərləri təkzib edib “ABŞ-ın İrana 300 milyard dollar ödəyəcəyi barədə nəşr faktların qəsdən təhrifidir”, - Tramp Truth sosial şəbəkəsində yazıb Ağ Ev rəhbəri vurğulayıb ki, söhbət Amerika hökumətinin İrana ödəməsindən getmir və demokratları yalan məlumat yaymaqda ittiham edib Bundan əvvəl ABŞ və İranın rəsmi imzalanma mərasiminin iyunun 19-da İsveçrədə keçirilməsi planlaşdırılan sülh sazişi üzrə razılığa gəldiyi bildirilib. İran daha sonra ABŞ ilə 14 bəndlik anlaşma memorandumunun layihəsini açıqlayıb. Bütün bunların fonunda dünya bazarında neftin qiyməti Trampın Tehranla əldə olunan razılaşmanı elan etməsindən və Hörmüz boğazının açılmasından sonra ucuzlaşıb