Tim Stekkinqer: Azərbaycan ticarət sistemlərinin rəqəmsallaşmasına qabaqcıl yanaşmalar nümayiş etdirir

Qlobal ticarət ekosisteminin rəqəmsallaşdırılması və kağızsız texnologiyalara keçid beş il ərzində qlobal iqtisadi mənfəətdə əlavə 10 trilyon dollar mənfəət yarada bilər. Bu kontekstdə Azərbaycan dünyanın ən qabaqcıl sistemlərindən bəzilərini tətbiq edir AZƏRTAC xəbər verir ki, bu açıqlamanı Dünya İqtisadi Forumunun (WEF) “TradeTech” təşəbbüsü və rəqəmsal ticarət üzrə rəhbəri Tim Stekkinqer Bakıda keçirilən layihə təqdimatı zamanı verib O, Azərbaycanın rəqəmsal infrastrukturun yaradılmasında uğurlarını vurğulayaraq, e-FISA sistemini xüsusi qeyd edib. “Bu, indiyə qədər gördüyüm ən müasir sistemlərdən biridir”. Stekkinqer əlavə edib ki, bu cür texnoloji həllər beynəlxalq ticarətdə bürokratik maneələrin aradan qaldırılması üçün əsas vasitədir “TradeTech” rəhbəri qeyd edib ki, dünya miqyasında ticarət qlobal ÜDM-in təxminən 30 faizini (115-120 trilyon dollar) təşkil etsə də, rəqəmsal ticarət hazırda cəmi 12-15 faiz həcmindədir. Əsas çətinlik malların daşınmasında istifadə olunan külli miqdarda kağızla sənədləşmə işi olaraq qalır Tim Stekkinqer deyib: “TradeTech” təşəbbüsünün missiyası rəqəmsal transformasiyanın dəstəklənməsi üzrə hökumətlərə düzgün qaydaların tətbiqində kömək etməkdir. Biz yeni texnologiyalar vasitəsilə ticarəti daha səmərəli, inklüziv və davamlı etməyə çalışırıq” O, həmçinin Azərbaycanın Dördüncü Sənaye İnqilabının Təhlili və Koordinasiya Mərkəzi (C4IR) ilə sıx əməkdaşlığını vurğulayıb Qeyd edilib ki, C4IR ilə birlikdə təchizat zənciri problemlərini müəyyən etmək və “Üç üfüq” modelinə əsaslanan innovasiya yol xəritəsi hazırlamaq üçün məlumatların dərin təhlili aparılır T. Stekkinqerin sözlərinə görə, ticarət prosedurlarını sadələşdirmək üzrə texnologiyadan istifadə sahəsində Azərbaycanın təcrübəsi aparıcı qlobal texnologiya nəhənglərinin “qabaqlayıcı çatdırılma” konsepsiyalarına oxşar şəkildə malların mümkün qədər tez və inzibati gecikmələr olmadan çatdırılacağı bir gələcəyin ortaq vizyonuna mühüm töhfədir 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır